حمو بيكا/ فتح مؤدي المهرجان بيكا النيران على عمر كمال وهاجمه، وذلك بسبب ازمته معه وقال أنه يقف ويساعد الجميع ولا أحد يقف بجواره، لذلك قرر أن يترك الغناء ويفتتح سلسلة مطاعم.
حمو بيكا يهاجم عمر كمال
وصرح خلال مداخلة هاتفية مع الإعلامي عمرو أديب ببرنامج الحكاية الذي يعرض عبر قناة ام بي سي مصر الفضائية قائلاً: “انا وقفت جمب الناس ديه كلها ومحدش وقف جمبي، وانا اللي شهرتهم وكل الاغاني اللي هما اتشهروا بيها بتاعتي ومهرجان شمس المجرة ده بتاعي ومن كلمات اسلام المصري اللي شغال معايا، وتوزيع فيجو الدخلاوي برضه اللي شغال معايا”.
وهاجم عمر كمال قائلاً: “عمر كمال مش بيعرف يغني زي اصلا وانا احسن منه ولما بمسك المايك ممكن اغني 7 8 اغاني هو مبيقدرش يكمل اغنية اصلا وهو بيقول انه مطرب بس طول ما بيغني مهرجانات فهو مؤدي مش مطرب”.
ووجه رسالة إلى متابعيه وجمهوره قائلاً: “بقول لكل جمهوري انا مش مطرب بس بعرف ادي وجمهوري بيحبني”.
وأشار انه ييشتغل على نفسه لكي يلتحق بالنقابة قائلاً: “أنا سلمت كل الاورق المطلوبة فاضل بس الاختبار واللجنة، ومتابع مع الاستاذ محمد بيعلمني ازاي اخد النفس وبشتغل على نفسي وبظبط طبقات الصوت وباذن الله هتقبل”.
تفاصيل ازمة حمو بيكا وعمر كمال
شن مؤدي المهرجانات هجومًا على المطرب عمر كمال، ووجه إليه رسالة نارية، عبر حسابه الرسمي بموقع التواصل الاجتماعي “فيسبوك”، وذلك من بعد ما انتقده عمر عندما حل ضيفًا مع الإعلامي عمرو أديب، وشهد بأنه لا يجيد الغناء.
ونشر مقطع فيديو، قاله فيه:”أنت بتقول إنك بتجيب مشاهدات 70 أو 80 مليون مشاهدة.. نسيت لما كنت بتعمل أغنية مش بتجيب 10 آلاف مشاهدة أصلًا.. أنت طالع تقول عليّا إني مش بعرف أغني!!”.
وتابع:”خلاص سيبت لك الغناء.. نفسي الناس تشوفك وأنت واقف قدام المايك بتسجل أغنية، توبة إني أغني مع شخصية زيك.. ولا أعمل معاك حاجة تاني.. طالما بتقول عليا مبعرفش أغني.. أومال أنت جيت لي ليه في الأول خالص.. واستقبلتك وضايفتك وأول تراك عملته معاك نجح.. وكنت كل ما تقعد معايا تقولي أنت يافطة المهرجان.. أنت كنت بتشتغلني مثلًا!!.. طالع دلوقتي قدام الناس تقول حمو مش بيعرف يغني!!”.