كشف مطرب المهرجانات حمو بيكا، عن المعاناة التي يعاصرها بسبب عدم تعليمه، مشيرًا إلى أن التعليم الجامعي يفرق كثيرًا في تكوين هوية الانسان وكيفية تعامله مع الحياة.
وكتب بيكا، عبر حسابه الرسمي بموقع التواصل الاجتماعي “فيسبوك”: “رسالة لطلاب الثانوية العامة و الكليات .. هو انا اه مش متعلم و اخدت ( محو الأمية ) بالعافية لكن ده مش حاجه تفرح ولا تقول ( عندك بيكا اهو مش متعلم بس ناجح )، صدقوني و الله طعم النجاح مع العلم مختلف تماماً عن طعم النجاح من غير علم”.
حمو بيكا: صحيح الشارع علمني كتير.. لكن كمية معاناة بشوفها يومياً بسبب إني مش متعلم
وتابع: “العلم بيفرق في كل حاجه في الدنيا، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها، العلم بيستر كتير اوي و بيخليك واعي و متفتح في كل مجالات الحياة”.
واستطرد: “هو اه الشارع علمني كتير، بس مش زي المدارس و الجامعات، حتي لو مش هتشتغل بشهادتك و حتي لو دخلت كلية مش بتحبها، بس يكفي انك متعلم و معاك شهادة تقدر تسد بيها عين الشمس”.
واختتم حمو بيكا: “اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده.. انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم”.