أكد مطرب المهرجانات حمو بيكا، على أن دبي احتضنته بعدما تم منعه من الغناء في مصر من قبل نقابة المهن الموسيقية، مشيرًا إلى أنها تقدر الفن والمشهورين.
وقال في فيديو مباشر، عبر حسابه الرسمي بموقع التواصل الاجتماعي “فيسبوك”: “رزقي اتاخد مني في مصر ربنا جابلي رزق في مكان تاني في مكان محدش بيقول فيه ممنوع او متشتغلش، فيه نقابة ورقابة في دبي لكن محدش بيقولك متشتغلش”.
“هنا ناس بتقدر الفن والناس المشهورة وكل واحد في حاله، الخير هنا كتير، وانا قاعد فرحان والناس شيلاني من على الارض شيل”.
حمو بيكا بعد عودة شاكوش: كل بتوع المهرجانات والراب أخدوا الكارنيهات إلا أنا
وبث بيكا فيديو مباشر عبر حسابه الرسمي بموقع التواصل الاجتماعي “فيسبوك”، قال به: “مش زعلان عشان مش شغال في مصر، انا زعلان ان انتو حرمتوا جمهوري مني”.
وأضاف: “بناشد أي مسئول، انا مش بعمل حاجة غلط، كل اللي انا طالبه انكو تسبوني اشتغل”.
واستطرد: “كل بتوع المهرجانات والراب اخدوا الكارنيهات مفضلش غيري، سيبوني اشتغل زي زمايلي، الناس دي انا طلعتها بعض ربنا، وهما نجحوا من غيري كتير وكملوا الطريق بلاش تقفوا في طريقنا بقى”.
وتابع: “معدش فاضل في العمر غير حاجات بسيطة مفيش حاجة دايمة غير وجه الله، الخير والمعروف، سيبوا الملك للمالك وبلاش تقطعوا في ارزاق الناس وسيبو الناس تاكل عيش”.
واعترض على منعه عن الغناء، واصفًا ذلك “بقطع الأرزاق”، حيث قال: “لو العبد هو اللي بيقسم الارزاق كان زمان البلد دي انتهت”.