كشف مطرب المهرجانات حمو بيكا، عن بحثه عن مدرسة تعيد تأهيلة علميًا في دبي، حتى يستطع أن يطور من نفسه ولا يشعر بالنقص.
وقال بيكا في مداخلة هاتفية مع الإعلامية ياسمين عز: “خلاص فات الاوان على إني اجيب مدرس، انا دلوقتي في دبي وبشوف مدرسة اتعلم فيها بإذن الله”.
وأضاف: “العلم يسترك في حاجات كتيرة، كفاية انك تكون معاك شهادة وبتعرف تقرى وتكتب من غير ما حد يضحك عليك، وانا اضحك عليا كتير بسبب عدم علامي”.
حمو بيكا: صعبت عليا نفسي لما طيارة امستردام فاتتني عشام مبعرفش اتكلم انجليزي
وقال بيكا في مداخلة هاتفية ببرنامج “كلام الناس”: “الكلام الحلو ده من اللي انا شوفته، حصل معايا موقف قبل كده ساعة سفري لامستردام، وعشان انا مش متعلم معرفتش وقتها اطلع من المطار ولا اكلم حد، وفضلت واقف بكلم نفسي”.
وأردف: “لو انا متعلم مكنتش احتاجت لحد ولا كانت الطيارة فاتتني، كان كله بيتكلم بالانجليزي، ومش عارف طبعا ولا اقرى ولا اكتب، وبقيت واقف اكني اطرش واعمى ومش شايف اي حد اكلمه اصلا، وصعبت عليا نفسي أوي”.
واستطرد: “حسيت ان العلام كل حاجة، وانا اه نجحت بس نجاحي من غير علام ولا فارق معايا في اي حاجة”.