كشف الفنان محمد حماقي عن تفاصيل انفصاله عن زوجته وعودتهما لبعض مرة أخرى، موضحا أن الطلاق من الممكن أن يكون مفيد للطرفين حتى يشعران بقيمة بعضهما، وذلك خلال لقائه مع الفنانة إسعاد يونس، في برنامجها صاحبة السعادة، الذي يتم عرضه عبر شاشة قناة DMC.
وقال محمد حماقي عن زوجته: «إحنا انفصلنا سنتين ومفيش حد خد باله ولا عرف، وكنت حريص إني مقولش عشان ميحصلش تجاوز، اللي حصل كان مرحلة عدم تفاهم وتتخين دماغ بدون داعي وافتكرنا أن الحل الأمثل إن كل واحد ارتاح من التاني».
وأضاف: «لكن اكتشفنا إن مش ده الحل أنا قعدت سنتين مش عايز أقابل ولا أشوف حد غيرها ومش عارف أتخطاها، وأوقات كتير بالليل كنت بفكر إنها ممكن تتجوز وأزعل وأضايق طب أنا ليه عامل كده في نفسي، والطلاق أوقات كتير بيكون مفيد ولكن عرفنا قيمة بعض ورجعنا وأنا بحبها من كل النواحي بحبها من عقلي ومقتنع جدًا وبحبها بمشاعري والحمد لله إننا رجعنا».
وتابع: «مراتي من سكان الزمالك، ونقلت من مدينة نصر لـ أكتوبر علشان معزلهاش عن أهلها وإخواتها، خاصة إني بسافر كتير ومش طول الوقت موجود، حسيت إن ده ظلم لو عزلتها».