اعترض عضو لجنة الجمعية العمومية، ومجلس إدارة نقابة المهن الموسيقية، الفنان حلمي عبد الباقي، على استقالة الفنان هاني شاكر، من رئاسة النقابة، مؤكدًا على أنه سوف يبذل قصارى جهده لـ رجوعه عن الاستقالة.
وقال “عبد الباقي” في تصريح خاص لـ «أوان مصر»: “صدمة كبيرة علينا وعلى الشعب المصري كله، استاذ هاني شاكرة جدًا قيمة كبير يجب اننا نحافظ عليها ونتمسك بيها جدًا”.
وأضاف: “انا كعضو لجنة عمومية وكعضو مجلس الإدارة ارفض هذه الاستقالة وان شاء الله هنعمل اجتماع طاريء وهنزل بيان هام بشأن هذه الاستقالة، وان شاء الله نحاول نرجعه لكرسيه من تاني ويرجع عن استقالته”.
حلمي عبد الباقي يعترض على عودة حسن شاكوش للغناء
واستطرد: “وانا وقفت اني امضي بس وقتها قولتلهم لو كان الموضوع يخص عودة شاكوش يبقى لازم يتعرض على المجلس الاول، وهما قالولي تمام”.
وتابع حلمي عبد الباقي: “انا عارف ان ممكن يحصلي مشكلة بسبب الكلام ده ومستعد حالا اني اقدم استقالتي، لان لا غيابي هينقص مني حاجة ولا وجودي هيزودلي حاجة”.
وأردف: “من كام يوم كنت موجود في النقابة وبعض اعضاء المجلس، وبعدها نزلت روحت ونمت ساعة وصحيت، بفتح السوشيال ميديا لقيت الاخ شاكوش ماسك الكارنيه وبيقول انه اخد الكانيه، مين بقى اداله الكارنيه الله اعلم”.
واستكمل: “على فكرة انا مش ضد حد ولا مع قطع ارزاق حد، ولكن كان لازم يبقى فيه شكل قانوني للموضوع، ولازم اهانة اخواتنا الموسيقيين كانت تترد على الملأ”.