حلا شيحة/ تعرضت الفنانة حلا إلى الكثير من الانتقادات والسخرية، بعد أزمتها مع الفنان تامر حسني، بسبب فيلم “مش أنا”، وفتحوا رواد السوشيال ميديا النيران عليها، ونرصد لكم أبرز الانتقادات التي تعرضت لها خلال هذا التقرير.
حلا شيحة فريسة لـ السوشيال ميديا
تداولت مجموعة من الصور لـ حلا شيحة من أفلامها، وجاء أبرزهم صورة من فيلم “اللمبي” بطولة محمد سعد، حسن حسني، عبلة كامل، وجاء تعليق كالتالي: “أنا كنت فاكرة الفيلم هيبقى only friends، مكنتش أعرف إنه public وهينزل في ذي الحجة”.
أزمة حلا شيخة وتامر حسني
واثارت الفنانة حلا جدلاً واسعاً بسبب مهاجمتها للفنان تامر حسني، بسبب فيلم مش أنا، وكانت بداية المشكلة أنها طلبت من تامر بحذف بعض المشاهد من فيلم مش أنا، وعندما أصدر تامر فيديو كليب أغنية بحبك، غضبت وفتحت النيران على تامر ونشرت عبر صفحتها الرسمية بوست قائلة: “انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه”.
وأضافت قائلة: “و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي .. احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح”.
وتابعت قائلة: “بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى .. انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا”.
واختمت قائلة: “الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا”.