تحدث الفنان حكيم عن كواليس تسجيل أغنية نار، التي حققت نجاحًا كبيرًا فور طرحها، حيث كشف موقفًا كوميديًا حدث خلال تسجيل الأغنية.
كان حكيم ضيف برنامج صاحبة السعادة التي تقدمه الإعلامية والفنانة إسعاد يونس، وكشف كواليس أغنيته نار، حيث قال: «أغنية نار ليها ذكرى جميل أوي، كنت أول مره أتعامل مع عصام توفيق، وكان واخد مكتب في عبد الخالق ثروت وكنا قاعدين في الدور الخامس، وقاعدين في البلكونة وعملنا مزازيك كتير ومفيش حاجه راضيه تطلع خالص».
وأضاف : وكنا قايمين ماشيين خالص، عصام ندهلي وقالي استنى معايا أغنية تيمه جديدة، قولتله وريني يمكن توفق معانا، ونعمل حاجه.
كواليس تسجيل أغنية نار لـ حكيم
واختتم حكيم: رجعنا تاني سمعني أغنية نار، قولتله أهو تعالى نشتغل، قعدنا تاني، نقول نار نار بليل، لقينا العمارة ولعت من تحت، والمطافي جت، وإحنا متشعلفين فوق، والجيران كانت بتقول يا عم ياللي ولعت في العمارة وبتقول نار، ونزلنا على سلم المطافي، وفاكر اليوم ده تحديًدا لإن المحلات اللي تحت هي الولعت.
اقرأ أيضًا
حكيم يكشف سر غنائية مع شاب خالد وفرقة كوينسي جومز ومغني إيراني
حكيم: غنيت مع شقيقة مايكل جاكسون.. ولم أتوقع نجاحي على مدار مشواري