كشف الفنان حكيم خلال استضافته في برنامج “صاحبة السعادة” عبر قناة dmc كواليس وقصة تقديمه أغنيته الشهيرة “السلام عليكم”.
وقال حكيم في لقائه مع الفنانة إسعاد يونس: “الشاعر أمل الطائر سمع كلمة السلام عليكم من شاويش بينادي في فرح في الشارع وياخد فلوس من الناس، وقاللي نفسي نعمل أغنية على الكلمة دي”.
وأضاف: “فضلت الكلمة معانا 4 سنين مش عارفين نعمل بيها إيه، لحد ما طلبت من أمل الطائر يكملها بلحن عنده صاحبه ملحن مات ومطرب مسجون، وأخدنا الجملة للملحن حسن إش إش عشان يطلعنا من المأزق”.
وتابع: حسن إش إش لحن الأغنية على الطبلة، وأمل كمل الكلام، وهي كلمة من الشارع كل الوطن العربي بيقولها، ولما المطرب طلع من السجن راضيناه”.