قدم مطرب المهرجانات حسن شاكوش اعتذاره لنقيب المهن الموسيقية الفنان هاني شاكر، وذلك خلال مداخلة هاتفية ببرنامج “على مسؤوليتي”، الذي يقدمه الاعلامي أحمد موسى عبر فضائية صدى البلد.
وقال حسن شاكوش: بتأسف للشعب المصري، وبقولهم أن هما مش هيسمعوا مني أي غلط تاني ولا أي حاجه مسيئة، وطالع عشان خاطر اقول ان انا بتأسف لنقابة المهن الموسيقية وده غلط مش هيتكرر تاني وبتأسف لهاني شاكر ده حبيبنا كلنا.
حسن شاكوش يعتذر لهاني شاكر
وأضاف: وبقولهم من خلال برنامج حضرتك إن انا ان شاء الله همشي على الطريق الصحيح اللي هيقولولي عليه، وهلتزم بالضوابط، ومفيش اي سلوك خاطئ، واللي حصل غصب عني، وبعتذر للاستاذ هاني وشعب مصر بالكامل، والفترة الجاية ان شاء لو اتقبل الالتماس، عشان قدمته 3 مرات.
وواصل: أنا مش بشتغل في مصر خالص وبيجيلي شغل في مصر مستحيل إن أنا أخده وملتزم بالقرار وكلهم عارفين، وشغال برا مصر ومش حاسس بأي طعم نجاح برا بلدي، وبتأسف لشعب مصر كله مره تانية وياريت يقبلوا اسفي، وانا ابنكم وبتأسف إن أنا غلط، وبتأسف للشعب المصري كله ان هما مش هيسمعوا اي حاجه مني تاني.
حسن شاكوش باكيًا: تعب أمي زاد بسبب أزمتي.. وعمري ما تاجرت بمرضها بالسرطان
وكان قد أكد المطرب حسن شاكوش، حزنه من كثرة الشائعات التي تزعم متاجره بمرض والدته على وسائل التواصل الاجتماعي، قائلا: “أنا على آخر الزمن اتاجر بمرض امي، ورغم المشاكل اللي معايا عمري ما طلعت قلت أمي عندها سرطان أو بصرف على علاجها أو على عائلتي”.
وأضاف المطرب شاكوش، خلال حواره ببرنامج “حبر سري”، مع الاعلامية اسما ابراهيم، على قناة القاهرة والناس، أن أمور عائلته حاجة خاصة به ومن الأمور التي يكتمها بينه وبين نفس، متابعا: “لما بقعد افكر في مرض امي بيجي عليا وقت بقول يا رب يجي لى أنا ويشيله عن امي”.
وعن حالة والدته الصحية حاليا، قال: “وضعها الصحي متأرجح ولكن الفترة دي حالتها مش كويسة بسبب أنها بتشوفني بتأذي وتعبت وتأثرت باللي حصل لي، ومرة أمي وقعت في الشارع من التعب وفى حاجات كتير مش عايز اتكلم فيها عشان محدش يقول بنتاجر بها”.