كشف مؤدي المهرجان حسن شاكوش تفاصيل جديدة بخصوص المشاجرة التي حدثت بينه وبين رضا البحراوي ويحاول ام يصلح سوء التفاهم الذي حدث.
ونشر بث مباشر عبر صفحته الرسمية بموقع التواصل الاجتماعي فيس بوك وقال في اللايف : “كلامي موجه للعازفين في الفرق مكنش قصدي خالص ان اطلع واغلط في اي عازف او طبال لان فرقتي معايا عازفين ومطبلين وناس محترمة جدا واكبر مني في السن وبعيد انهم عازفين وبتوع مزيكا لازم احترمهم ويكون في احترام لفرق سن اللي بينا”.
وتابع قائلاً: “وانا مكنش لازم اغلط فيهم لان اي مطرب مش عشان حسن شاكوش بس لا اي مطرب احنا من غير الفرق ديه عاملين زي ما يكون مكشوفين وعريانين والفرقة ديه عاملة زي الستارة وانا مقدرش اغلط في عازف او طبال انزلوا اسألوا الناس حسن شاكوش بيتعامل اواي”.
https://www.facebook.com/Official.HassanShakosh/videos/948230639110675/
وأوضح قائلاً: “وبقول للناس عمري ما اغلط في عازف او طبال او اي حد بتاع مزيكا وانا عامل اللايف ده عشان اوضح للناس انا اه غلطت وديه اول غلطة اغلطها من ساعت ما دخلت المجال بس انا اتشتمت بامي فالي حصل غصب عني واتشتمت باوسخ الشتايم وانا ورضا وفرقته اخوات مفيش حاجة واشتغلت على فرقة رضا كتير اوي والحمدلله عمري ما اعرف في حياتي حاجة عن التناكة وعمري ما اتنكت ع حد”.
وأشار قائلاً: “وحياة غلاوة امي عندي انا مكنش قصدي اغلط في اي عازف او اي بتاع مزيكا وبتأسفلكوا من على صفحتي اهو وانا كان قصدي ولو رب البيت بيطبل ومش مسيطر في بيته البنت او الشاب بيبقوا واخدين راحتهم ومفيش حاكم وانا قولت لو رب البيت بيطبل بنته بتطلع كذة ومليش دعوة بطبال وبتكلم في الاطار ده وعمري ما اغلط في اي عازف او طبال وطالع اللايف عشان خاطر المزيكا”.
ووجه رسالة لنقابة المهن الموسيقية قائلاً: “كلهم على راسي من فوق وانا مش طالع اللايف ده عشان اتواقفت بس نقابة المهن على راسي وانا راضي بقرارهم والحمدلله انا راضي وكل تأخيره وفيها خيره”.