أعرب الفنان حسن الرداد، زوج الفنانة إيمي سمير غانم، عن حزنه الشديد لفقدان زوجته والديها، الفنان سمير غانم، والفنانة دلال عبد العزيز.
ونشر الرداد، عبر حسابه الشخصي عبر موقع التواصل الاجتماعي لتبادل الصور والفيديوهات القصيرة “الانستجرام”، قائلا: ” مافيش أصعب من فقدان أعز الناس لأى حد، وفقدان الأب والأم مرة واحدة أصعب صدمة ممكن الواحد يتعرض لها فى حياته”.
وواصل الرداد:” بس لازم يصبرك عشق الجمهور لوالدك النجم الكبير اللى عشقته ملايين الناس فى الوطن العربى كله ووالدتك الفاضلة اللى أعمالها فى الخير ومساعدتها لكل محتاج يشهد عليها كل الناس”.
واختتم حسن الرداد، قائلاً: “إن شاء الله يا حبيبتى ربنا يصبرك وترجع ضحكتك الحلوة تانى تنور الدنيا وترجعى لشغلك وجمهورك الكبير المحترم يا احلى زوجة وأجمد كوميديانة فى مصر كلها”.
View this post on Instagram
من جانبه كانت إيمي سمير غانم وجهت رسالة مؤثرة بعد رحيل والديها سمير غانم ودلال عبد العزيز، عبر حسابها الشخصي بموقع التواصل الاجتماعى لتبادل الصور والفيديوهات “إنستجرام”.
ونشرت إيمي سمير غانم صورة لوالديها، وعلقت عليها كاتبة: “يا اجمل و اطيب واخف دم اب و ام شافتهم عينيا، انتوا بالنسبة لي مسافرين تصوروا وراجعين، لحد ما اشوفكوا تاني و افضل برده تحت رجليكوا”.
وأضافت إيمي سمير غانم: “اللهم اجرني في مصيبتي و اخلفني خير منها، الله يرحمكم و يغفر لكم و يتقبل دعواتي انا و دنيا ليكوا، بحبكم للابد”.