كشف الكابتن حسام حسن نجم المنتخب الأولمبي السابق، ولاعب المصري وسموحة والشرقية والمقاولون العرب و مصرالمقاصة السابق، لـ«أوان مصر» عن أفضل لاعبي الوسط الذي لعب بجوارهم في المنتخبات والأندية وذكر العديد من اللاعبين أبرزهم محمد النني نجم أرسنال الإنجليزي.
وقال حسام حسن لـ «أوان مصر»: ” النني أفضل لاعب وسط لعبت جنبه، وهو من أفضل لاعبي الوسط في تاريخ مصر، لعبنا أنا والنني في أولمبياد لندن 2012 وقدمنا مستوى جيد، وكان معانا شهاب الدين أحمد في نفس المركز.
وأضاف نجم المنتخب الأولمبي السابق : “الكورة دلوقتى اختلفت بشكل كبير عن السابق، لاعب الوسط دلوقتي لو شاط شوطة الدنيا بتتقلب والأندية بتجري وراه، زمان كان في إمكانات عالية زي حسام غالي وحسني عبدربه ومحمد شوقي، وإنك بس تصعد وتلعب مع الفريق الأول كان إنجاز، لإنك بتبقى مؤهل انك تلعب جنبهم.
وأردف حسام حسن لـ«أوان مصر»: “أنا كنت بلعب على نجوم كتير في مكاني، الظروف ظلمتني شوية، الناس كلها مستغربة من اللي وصلتله، لكن أنا مقصرتش مع نفسي وبتجتهد، الظروف حطتني في الموقف دا، وكل اللاعبين زمايلي اللي بيتواصلوا معايا عارفين إمكاناتي كويس والمجهود اللي ببذله، وسمتغربين إني مش موجود حاليا في مكان كويس.
اقرأ أيضا: