حسام حبيب/ نفى المحلن، جميع ما تداول بخصوص ازمته مع زوجته الفنانة شيرين عبدالوهاب وأكد انه لا يهمه الأموال وانه يحب زوجته للشخصيتها وليس لأموالها.
وكشف أثناء مداخلة هاتفية مع الإعلامي عمرو أديب ببرنامج “الحكاية” الذي يعرض عبر “قناة ام بي سي مصر” الفضائية قائلاً: “كل الكلام ده محصلش اول البوم انا عملت كان سنة 2004، انا من اول 2006، 2008، 2016، انا الشغلانة ديه بالنسبالي هواية وعمر شيرين ما اخرتني عن حاجة ولا انا اخرت شيرين عن حاجة ولا شيرين بتدخل في شغلي ولا انا بدخل في شغلها”.
حسام حبيب يوضح حقيقة وقوفه بجانب زوجته
وأوضح حسام حبيب أن وجوده بجانب زوجتها في شغلها لا يقلل منه شئ قائلاً: “وجودي مع شيرين في شغلها اللي في ناس شايفينه انها كده بتقلل مني لا ده شرف كبير اوي ليا، وانا فنان وبشتغل ومراتي عندها محل اكل وفي مشكلة انا هسيب الفن وشغلي وهنزل اشتغل معاها في محل الاكل لحد ما المشكلة تتحل”.
وأكد أنه يحب زوجته قائلاً: “انا بحب الست ديه وصحاب من قبل ما يبقى في بينا حاجة وهي فنانة كبيرة جدا ومعروفة ومحدش يدخل في التفاصيل ديه، وشيرين مش محتاجاني ولا انا محتاجها في الشغل، واحنا مفيش فلوس بتهمنا، شيرين علمتني حاجات كتير جدا وغيرت مني حاجات كتير اوي وخليتني اعرف اواجه ازاي واتعلمت منها حاجات كتير اوي” لافتاً إلى أنه دوره كزوج يزود لها فلوسها .
وأضاف قائلاً: “احساس صعب جدا ان حد يسجنك جوا حياتك ويسجنك جوا بيتك يعني انا مش عارف ارد ع حد ولا عارف اسمع حد حتى كلمة معلش متزعلش مش قادرة اسمهم ازعل على ايه على حاجة معملتهاش اصلا”.