كشف الفنان والمخرج كريم سرور، عن آخر مستجدات حالته الصحية، بعد إصابته بالقولون العصبي، طالبًا من الجمهور أن يدعو له بالشفاء اتلعاجل.
وكتب “سرور” عبر حسابه الرسمي بموقع التواصل الاجتماعي “فيسبوك”: “ياااااااااااااااااااااارب ، أدعولى يا جماعة أرجوكم أنا حالتى بتسوء أوى”.
تفاصيل مرض كريم سرور
وكان قد أعلن الفنان كريم سرور عن معاناته من القولون العصبي، عبر حسابه الرسمي بموقع التواصل الاجتماعي “فيسبوك”.
“أنا بعتبر ألم القولون العصبى هو أشد أنواع الألم اللى بمر بيهم فى حياتى ، حرفياً بعتبره تكفير ذنوب ، مش لشدته أو لأنه بينتشر فى الرقبة و الضهر و الكتفين و الضلوع و بيزيد مع كل نفس و اقل حركة ، لأ مش عشان كدة بس ، عشان ملوش مسكن فعال و لحظى و عشان كمان بيستمر بالأيام”.
“اقل نوبة الم قولونية عصبية بتجيلى بتقعد من ٤ ل ٥ ايام و كدة يبقى وقت قليل جداً لإنها أحياناً بتستمر حتى اسبوعين ومرة قعدت حوالى ٢٥ يوم و مع تغيير الطاقم الطبى و نوع العلاج على مدار ١٤ سنة و كل ما اقول وصلت لحل نهائى من غير ما أستسلم للعقاقير المهدئة عصبياً ( اللى اكيد اتكتبلى عشرات المرات كحل جذرى )”.
“أتفاجئ فى النهاية بنوبة قولونية حادة دون أى أسباب .. و صرخ بقى والطم يا كيكو على وشك من الألم لحد ما يبانلك صاحب .. والله يا جماعة بدون أدنى مبالغة و لا ليكم عليا حلفان أحياناً بقعد بالساعات بحاول بس اقوم اخش الحمام من شدة الالم مع كل حركة ، دعواتكم بقى عشان الإنتحار بقى أهون من الألم الحاد المستمر ده دون معرفة علاج.. يارب”.