حل المنتج جمال العدل ضيف ببرنامج “السيرة” مع الإعلامية وفاء الكيلاني، ويعرض البرنامج يومي الخميس والجمعة عبر قناة “dmc” الفضائية، في تمام الساعة 9:30 مساءً.
تعرف على وصية جمال العدل لأولاده
وكشف المنتج عن وصيته الأولى والأخيرة لأولاده خلال حواره قائلأً: “بوصي ولادي الشباب يخلوا بالهم من اخواتهم البنات”.
تابع قائلاً: “ووصيتي للبنات انهم يطلعوا بنات محترمات ويتفرجوا عليا وعلى اعمالي وانا واثق في مراتي انها هتطلعهم محترمات”.
جمال العدل يروي قصة زواجه مرتين وسبب انفصاله عن الأولى
كشف المنتج جمال العدل، تفاصيل زواجه مرتين، وذلك من خلال برنامج “السيرة”، الذي تقدمه الإعلامية وفاء الكيلاني على قناة dmc.
وقال العدل عند سؤاله عن قصة زواجه الأول:” أول مره أختار مراتي كان عندي 19 سنة، وكانت ست محترمة وبنت ناس محترمة جدًا.. بس كنا مختلفين، ومكناش شبه بعض خالص واتجوزتها عشا مؤدبة، وبنت صاحب والدي من سنة 1986، وعلاقتي بيها دلوقتي في منتهى الظرف حتى بعد الانفصال”.
وواصل العدل:” كانت مامتها من المنصورة وبابها فلسطيني، فالعادات مكنتش زي بعض خالص، وده كان مخلينا مش شبه بعض، والجواز استمر 13 سنه بس وخلفت منها ولدين”، ووجه العدل نصيحته قائلاً: “أنصح الناس متجوزش واحدة من بلد تانية مش مصرية”.
جمال العدل يكشف تفاصيل زواجه مرة آخرى
وعن زواجه مره أخرى قال العدل:” الجوازة التانية اتجوزتها، وخلفت منها فريدة وزينة، وبقالنا 20 سنة متجوزين، وبينا فرق عمر كبير، وهي درست في أمريكا، وكانت دكتورة في الجامعة بس لما اتجوزنا هي اللي قعدت من الشغل، ومفتكرش أن في خلاف حصل بينا خالص”.
وطرحت الكيلاني سؤالها قائلة: “الولاد تقبلوها ازاي وكان عندها 24 سنة وولادك واحد 12 سنة والتاني 6 سنين”.
رد العدل قائلاً:” مراتي الأولى كانت طيبة وكويسة جدًا وسابتهم عاشوا معايا وأنا ربيت عيالي الولاد، وكانوا بيحبوا مراتي التانية”.