حلّ المطرب حكيم ضيفا على برنامج “سهرانين” الذي يعرض عبر قناة “ON” مع الفنانة أمير كرارة، ليكشف عن تفكيره في الاعتزال خلال فترة من مشواره الفني، ما أثار جدلا واختلط الأمر على البعض.
وقال المطرب الشعبي خلال الحوار، إنه قرر الاعتزال بالفعل بعد تكريمه على مسرح الأولمپيا في باريس في 23 سبتمبر سنة 2017، موضحا: “لما روحت مسرح الألمبيا في باريس بعد ما نزلت من على المسرح قررت إن أنا مش هغني تاني، غنيت في أعظم مسارح العالم، أم كلثوم غنت في شهر 11 سنة 1967 وأنا غنيت في يوم 23 سبتمبر 2017، ومن 50 سنة محدش دخل المسرح ده”.
وأضاف: “كان حلم حياتي إني أغني على مسرح الأولمبيا، ولما كنت بروح باريس ببقي نفسي أعدي من قدام المسرح وأتفرج عليه وشوفت البرومو بتاع كوكب الشرق وشوفت اسم ام كلثوم مكتوب على واجهة المسرح وكنت بتمنى اسمي يتكتب ومكنتش أتخيل إن ده هيحصل”.
وتابع حكيم: “أول لما جاتلي الفرصة مكنتش مصدق نفسي، وكان بالنسبالي إن ديه هتبقى آخر محطاتي هي الأولمپيا عشان كده قررت أن أعتزل”، قبل أن يعدل عن قراره فيما بعد.