عبر الشاعر الغنائي تامر حسين، عن سعادته بحضور حفل صديقه الفنان عمرو دياب، في ستاد دبي، والذي أقيم مؤخرًا، ضمن فعاليات مهرجان دبي للتسوق بالمدينة الرياضية.
وشارك تامر حسين، جمهوره بصورة تجمعهما من الحفل، عبر حسابه الشخصي بموقع التواصل الاجتماعي “فيس بوك”، وعلق عليها قائلًا: “ليه عمرو دياب في حتة تانية وتالتة عندي على الأقل.. بأخلاقه قبل فنه، وأبسط الأمثلة حفلة امبارح، الراجل قدمنا وقدم لنا التحية أنا وعزيز الشافعي كعادته وبذوقه المعروف وخرجنا”.
واوضح: “اشتغلت (اتعلموا) وشافني باك ستيدج ندهلي تاني، وقالهم هو اللي عامل الأغنية دي، مش عايز حتى يروح مني كريديت إن الناس تعرف إن الأغنية دي بتاعتي، واداني المايك لتاني مرة بعد ما غنيت (قدام مرايتها) عشان أغني الكوبليه (يتعلموا ويقلدوا)، وواقف بيسقف، وكفاية فرحته اللي باينة في عينه بناسه وفريق عمله”.
«من مسرح ستاد دبي».. عزيز الشافعي برفقة عمرو دياب وتامر حسين (صورة)
وأنهى حديثة قائلا : “اللي بيعمله عمرو دياب حقيقي قليل ونادر جدا وعايز فنان سوي نفسيا وواثق من نفسه، يمكن التفاصيل دي تبان بسيطة لكن ليها ألف معنى عند أي صانع لما بيحس بمنتهى التقدير وإنه مهم بالنسبة للمطرب اللي بيشتغل معاه نفسيا وأدبيا ومعنويا”.