تامر حسني/ اصلح نجم الجيل بين نصر محروس ودياب، وظهر في مقطع فيديو عبر صفحته الرسمبة بموقع تبادل الصور والفيديوهات “إنستجرام”.
تامر حسني ينهي خلاف أزمة نصر محروس ودياب
وكان يتواجد في منزل نصر محروس ودعى دياب لكي يأتي ويصلح بينمها ونجح تامر في ذلك، علق على الفيديو قايلاً: ” احب امسي على كل الناس وانا انهاردة ربنا قدرني والحمدلله، لان انا مشيت في حاحة جميلة جدا، لـ اخ ليا وحبيبي الفنان دياب والاستاذ الكبير نصر محروس وانهاردة في قعدت صلح كده جميلة ربنا قدرنا كلنا وجمعنا واحنا اول بيت خرجنا منه في الموسيقى بيت الاستاذ نصر محروس”.
وتابع قائلاً: “انهاردة في صلح جميل حصل ومش هيبقى في اي مشاكل بعد كده وبشكر استاذ نصر محروس على الكلام الكتير اللي هو قاله انهاردة في حق دياب وان هو معتبره اخوه الصغير وخلاص هو مش مش عايز اي حاجة منه وربنا يكرمه وبيتمناله كل الخير والنجاح ودياب شكره جدا واعتذر على اي سوء تفاهم حصل”.
وأشار قائلاً: “انتو طبعا عارفين ان بيبقى في ناس في نص بتوصل وجهت نظر غلط لما يبقى في عقلاء في النص كده يخشوا يهدوا الامور الامور بتمشي بما يرضي الله والحمدلله احنا انهاردة كلنا معزومين عن استاذ نصر محروس”.
View this post on Instagram
تفاصيل أزمة نصر محروس ودياب
تشاجر الفنان دياب مع المنتج نصر محروس، وكشف هاني محروس تفاصيل المشاجرة بالامس من خلال مداخلة هاتفية مع عمرو أديب، ببرنامج الحكاية المذاع عبر قناة دي ام سي مصر، قائلاً: “عيب لما نحلف كدب ونقسم بالله كذب، الراجل معملش اللي أنت بتتكلم فيه طبعًا، قال إنه وقفه عن التمثيل أو الغناء، كل عقود المحترفين لازم تكمل بطريقة معينة، يعني مينفعش لاعب في نادي يمشي ويسيبه من غير ما يكمل عقوده”.
وتابع قائلاً: “نصر محروس عمل لدياب 27 أغنية فيهم 9 متصورين في 14 سنة، وعمل ألبومين و5 سناجل، وكان في فترة لسه بياخد على الجو والأفراح وهكذا، وعشان نصنع لدياب قاعدة جماهيرية، وكان نصر محروس عامل لدياب مرتب شهري زيي أنا وأخواتي”.
وأضاف : “نصر محروس فكر في وقت من الأوقات يدخل السينما وأهل دياب أنه يمثل، إحنا مش عايزين حد يقعد غصب عنه كل الحاجات دي ظهرت لما هو اشتغل وتوقف عن دفع النسبة الخاصة بالشركة، ومن المفترض يكمل نص الشغل اللي متفقين عليه يبقوا اتنين أو تلاتة.. نصر محروس ساب دياب مرة واتنين وتلاتة عشان يصلب طوله في بدايته، إحنا مبنحلبش الناس، ومدفعش جنيه للشركة من 6 سنوات، إحنا مبناكلش حق حد”.