كشف الفنان تامر حسني عن سر نجاحه، وخاصةً في فيلم “مش أنا”، بالرغم من الأزمة الذي يمر بيها الفيلم.
وصرح خلال لقائه مع الإعلامية لميس سلامة، قائلاً: “انا بشكرك يا لميس وبشكر جمهورك الكريم وان شاء الله الفيلم يجب كل الناس، الحمدلله دعوات امي وابويا معايا وانا بحب افرح كل الناس اللي حواليا، واتمنى اوصل لكل المتابعين تجربتي في الحياة”.
وأشار ان سر نجاحه هو دعاء والديه قائلاً: “ده كان عودة لـ حلا شيحة، والحمدلله ربنا كرمنا والفيلم حقق “إيرادات عالية جدا، وكل ده بدعوات امي واهلي وولادي ومراتي”.
تعليق عمرو أديب عى أزمة حلا شيحة وتامر حسني
ومن جانب أخر علق الإعلامي عمرو أديب على أزمة فيلم مش أنا التي شغلت السوشيال ميديا خلال الأيام الماضية، وذلك بسبب فيلم “مش أنا”.
وقال: “الوضع اللي عملته حلا وفجأة قررت انها تصف الوسط الفني بالحرمنية، وان اللي بيحصل ده حرام، وحلا عندها مواقف ساعات تتحجب وساعات تقلع الحجاب وساعات تحب وساعات تكره وهي حرة في قررتها ، ولكن لا يجب انها تقرر للناس يعملوا ايه وميعملوش ايه وده الكلام اللي ناس كلها بتقولوا”.
وعبر عن رأيه الشخصي حول هذة الأزمة قائلاً: “بس انا ليا رأي حاسس ان اللي بيحصل ده مش صدفة يعني حطوا الحاجات مع بعض كده موضوع حلا، والموضوع اللي حصل على حوار البوركيني، والبيكيني، وشوية جدل عن الحجاب واللي بيحصل حسسني اننا رجعنا لايام زمان”.
وأضاف قائلاً: “الحوارات ديه كلها شوفناها قبل كده، هل دي كلها صدف واللي بيحصل ده كله مش عادي، وهي موجة طالعة كده، ومن رايي اللي عايز يلبس يلبس واللي يتحجب يتحجب واللي عايز يلبس مايو يلبس ومحدش يحاسب حد ربنا هو اللي بيحاسب”.