كتبت منة حسين
عبر الفنان” تامر حسني ” عن رأيه الشخصي من خلال منشور عبر حسابه الرسمي على موقع التواصل الاجتماعي ” الفيس بوك”.
وعلق قائلا: رأيي الشخصي المُتواضع ….. مهما اتكلمنا كلنا في الروح الرياضيه الجميله في كرة القدم مش هيكون كلامنا مؤثر زي أصحاب الرياضه نفسها، يعني لو صداقتهم الطيبه تبان في العلن من خلال بوستات فيها سلام بين اللاعبين هتخليهم ينقلوا الروح السلميه دي للناس و لكُل الجماهير.
وأضاف قائلاً: “لو أثناء المباراه حد خبط حد يعتذرله و يطّمن عليه ، الناس فوراً هتفرح بالروح دي و الروح دي هتنتقل للبيوت و للجماهير و مش هيكون في أي نزاعات”.
وتابع تعليقه قائلاً: “لو المباراه خلصت و كل لاعب جري حضن لاعب من الفريق التاني فعلاً هيخلوا الناس في البيوت و كل مكان في نفس حالة السلم اللي هيصدروها ، حتى لو إدارة كل نادي ألزمت كل فريق بالروح دي إجباري لإن ولادنا يستاهلوا إنهم مايكرهوش بعض ولا يتخانقوا بسبب رياضه المفروض إنها بتجمع الناس”.
وأشار معلقاً “مش منطقي برضو كل ماتش الناس تحس إن في حرب هتحصل !! و بين مين !! أهم و أعرق الأنديه المصريه اللي مشرفينا في كل الدنيا، يارب كل الخير ليهم و لأولادنا و للجماهير العظيمه المخلصه ،،،
زمالك أو أهلي يعني مصر و الدنيا كلها بتتفرج النهارده على أولاد مصر و بعون الله هنرفع راس مصر لإن النتيجه أياً كانت فهي مصريه.