علق النجم تامر حسني على حفلته أمس في الإسكندرية، التي شهدت حشد جماهيري كبير وذلك عبر حسابه الشخصي على موقع التواصل الاجتماعي فيسبوك .
وكتب تامر حسني: ” في اسكندريه إمبارح مكانتش حفله كان حدث مش عادي بجد عيني مكانتش عارفه تجيب آخر الجمهور حضوركم الكريم ده هفضل فخور بيه طول عمري “.
واضاف :” اتشرفت بتقديمي ل ١٣ موهبه مصريه من مختلف محافظات مصر و فعلاً كسروا الدنيا بأصواتهم اللي فوق الرائعه و عازف الساكس الصاعد المتميز اللي قدمته و موهبته كانت مفاجئه كبيره للجمهور “.
وتابع: ” فخور بتنظيم ادهم بكري الشاب الجميل الاسكندراني اللي كان بيحبني من وهو ١٥ سنه و قولتله لو بتحبني اوي لازم تنجح و وعدني انه هينجح و النهارده عنده ٣٠ سنه و من كبار منظمي حفلات اسكندريه ، و يكون صاحب الحفل الأضخم في تاريخ حفلات مصر”.
وأردف: ” بشكر رجال الأمن كل الشكر مجهود عظيم في دخول و تأمين عدد خرافي زي دا لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفله هيكون اوضح.
واختتم تامر حسني حديثه :” ان شاء الله شكراً طلاب الاسكندرية حبايب قلبي شكراً لكل شعب اسكندريه العظيم الراقي المحترم شكراً لكل الوحوش اللي تعبوا في المسرح الكبير ده و إخراج الحفلة بالشكل العظيم دا اللي يليق بإسكندريه و شعبها”.