كشف والد ياسمين صبري، حقيقة تصريحاتها عن حياة الفقر التي عاصرتها منذ صغرها وقبل دخول عالم الشهرة والمجد.
وكتب والد ياسمين صبري، عبر حسابه الرسمي بموقع التواصل الاجتماعي “فيسبوك”: “لكن ان واحدة اتولدت لها شغالة فليبينية بتلبس من باريس لاني كنت باجيب لها لبسها من هناك ودخلت مدرسة ال EGC ارقي مدارس اسكندرية في وقتها وعاشت في فيلا بحمام سباحة وصالة جيم ولها غرفة خاصة بحمامها وكانت بليدة وطلعت تروحي ويا دوب تنجح بالعافية بخمسن في المية وكانت بتروح الكلية بالعافية واصحيها الصبح بالساعة عشان تروح الكلية وتترفد في السنة مرتين وعميدة كلية اعلام بيروت موجودة وتشهد”.
وتابع: “كنت اروح دايما اقدم اعتذارات وشهادات طبية عشان ترجع الكلية وشهاداتها عندي كلها كحك وابوها دكتور. تطلع تدعي انها عاشت حياة بائسة وغلبانة وبتكمل باقي الشهر من غير فلوس!”.
والد ياسمين صبري يقفصف جبهتها ويكشف حقيقة تصريحاتها
واستطرد: “ايه الكدب والفيلم المتخلف ده انتي عايشة دور تمثيل ورثاه من جد والدتك سيد سليمان. وبتكدبي ليه؟ . حتاخدي نشان يعني علي خيبتك وفقرك وصلتي وبقيتي حاجة؟”.
وأردف: “انتي بالنسبة لابوكي حتة عيلة مش فاهمة بتعملي ايه غير انك بتشوهي اللي رباكي عشان الناس تسأفلك. حتي اخوكي بهدلتيه اللي طول عمره جنبك وبيجي من اخر الدنيا عشانك! ياشيخة بطلي اللي انتي فيه ده وحسبي الله ونعم الوكيل فيكي. بطلي تجيبي سيرة عيلتك ابوكي اللي رباكي منك لله”.
وأكد: “دي المدرسة اللي اتخرج منها بناتي اللي واحدة منهم بتدعي انها كانت في مدارس عربي وعاشت حياة بائسة فقيرة وانها وصلت بمجهودها! هو الكدب في حد يوصل للدرجة دي؟”.
وواصل ياسمين صبري: “انا افهم الكدب لما تبقي غلبانة وتكدبي تقول انا من عيلة كبيرة ومدارس اجنبية وعيشت في سراية وبابي كان وزير وهو بيشتغل عامل! يبقي كذب له مبرر!”.