شاركت الفنانة كارولين عزمي، جمهورها ومحبيها، صورة جديدة من احدث إطلالاتها، عبر خاصية استوري بحسابها الرسمي على موقع التواصل الاجتماعي “إنستجرام”.
وتألقت كارولين في الصورة بإطلالة كاجوال خطفت أنظار الجمهور، حيث ارتدت جاكيت جلد أسود مزغرف بالورد الملون، واعتمدت معه اكسسوارات فضية لامعة، كما وضعت مكياج رقيق برز جمالها.
كارولين عزمي تكشف عن تعرضها للتحرش: اتشتمت بأهلي بأقذر الشتايم
وشاركت كارولين، جمهورها ومتابعيها، مقطع فيديو من الحادث، عبر حسابها الرسمي بموقع التواصل الاجتماعي “انستجرام”.
وكتبت: “مساء الخير، أنا اللي يعرفنى أو متابعنى عارف أني شخص مالوش فى المشاكل، ولا عمري شاركت مشكله تخصنى سوشيال ميديا”.
وأردفت: “النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقنى، اتفاجأت وهو بيقول لى بتصوريني يا بنت لفظ خادش”.
وتابعت كارولين عزمي: “ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش اصور 1% من اللي عمله الشخص دا”.
واختتمت: “أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريبا متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي”.