بعد ما أصدرت نقابة المهن التمثيلية قرار بوقف الثنائي رحاب الجمل وباسم سمرة بعد أن قامت الفنانة رحاب الجمل بسب وقذف زميلها في العمل باسم سمرة، نعرض لكم من “أوان مصر” آخر أخبار رحاب الجمل وباسم سمرة.
بعد وقفهما.. آخر أخبار رحاب الجمل وباسم سمرة (صور)
أخر تصريحات باسم سمرة كانت من خلال مداخلة هاتفية مع الإعلامي عمرو أديب في برنامج الحكاية الذي يعرض عبر قناة “MBC مصر “، وقال خلال هذة المداخلة: “انا مستغرب ان الحكاية قلب الدنيا اساساً، الموضوع اتفه وأبسط من كده، واللي حصل أن الفنانة اللي قالت الكلام ده عندها سفر يوم 14 فانا داخل عشان أخلص الفيلم قبل يوم 14 عشان داخل مسلسل، فبقولها أستني شوية نخلص المشاهد، فردت عليا خلاص أنا بعتذر قولتلها طيب خلاص هنجيب واحدة تانية”.
وأضاف أنه يشارك في مسلسل أخر لم يذكر أسمه ولكن قال: ” انا عندي مسلسل تاني ومعرفش مين في الأبطال غير الأبطال الأساسيين واكتشفت انها موجودة معايا في المسلسل ده واختلفت مع المنتج عشان كانت عايزة فلوس زيادة، وانا اقسم بالله معرفش انها موجودة معانا، هي افتكرت ان انا مشيت من الفيلم والمسلسل بس أنا معملتش كده”.
وتدخل مخرج الفيلم الأستاذ واضل الرومي وانكر أي تصريحات نولت بأسمه لانه لم يكن يعلم ما الذي حدث بين باسم سمرة ورحاب الجمل وصرح خلال المداخلة الهاتفية قائلاً: “كنا بنتعشى في الفندق وكنا بنتكلم على بداية الفيلم وفما بعد قالت رحاب انها مسافرة يوم 14 وباسم سمرة طلب انهم يصوروا قبل يوم 14، وانا معرفش اي حاجة حصلت، وانا مشوفتش حاجة حصلت وجميع التصريحات كذب بكذب”.
واستكمل باسم سمرة تصريحه قائلاً: “احنا كنا قاعدين في فندق كبير ومحترم وممنوع في الحاجات ديه، انا معرفهاش واخر مرة جايبها من القسم بسبب جوزها كان نصاب وعامل فيها أمن دولة وماشي بلاسيلكي وعربية “Hamar”، وروحت طلعتها عشان كانت معايا في مسلسل وكنا عايزين نكمل تصوير هي ملهاش ذنب”.
قصة خناقة رحاب الجمل وباسم سمرة
انتقدت الفنانة رحاب الجمل باسم سمرة في بوست على فيس بوك ( قامت بحذفه ) “لما تبقى سكران وتدخل فرح وتضرب زميل نجم بالكوع ويسامحك لانه مستغلبك ومستضعفك.. انت بقي تعتبر ان ده حق مكتسب وبعدها بحوالي شهرين تدخل حفلة وتشتم وتهين مغني شاب ويكبر للناس اللي تدخلت في الموضوع ويسامحك بردو تعتبره حق مكتسب”.
وأضافت رحاب الجمل قائلة: “لكن تدخل بالامس بروفة فيلم وانت سكران وعايز كمان تلف حشيش ولما تعترض تشتم وتهين زمايلك وتغلط وتتلفظ باقذر واسفل الشتايم قدام الاغراب في مكان عام ويخرجوك من المكان بالامن والجاردات وفضايح ديه ماتتسامحش عليها”.
وتابعت قائلة: “لازم تتعاقب وبالقانون لان ده قلة أدب وقلة مهنية والمرادي البلاغ للنيابة علشان أرفع الحرج عم اي زميل او زميلة في طلب المشاركة في البلاغ او الشهادة يكفي تفريغ الكاميرات”.
أول تعليق باسم سمرة
نشر الفنان باسم سمرة منشوراً على حسابه الشخصي على إنستجرام ، بعد التصريحات التي قامت بها الفنانة رحاب الجمل ، قائلاً :«الكلام مش بفلوس يا جملاوي».
View this post on Instagram
اقرأ أيضاً:
منع باسم سمرة و رحاب الجمل من التمثيل.. والنقابة: هنحقق في موضوعهم