نشر مؤدي المهرجانات حسن شاكوش مقطع فيديو عبر صفحته الرسيمة بموقع التواصل الاجتماعي “فيس بوك”، ويعتبر هذا الفيديو أول تعليق منه بعد مشاجرته مع المطرب رضا البحراوي على مسرح الساحل.
وقال في الفيديو: “أنا هربان يا جماعة انا هربانة اهو وفي شرم الشيخ عشان عندي حفلة وادعولنا ربنا يكرمنا وتكون احلى حفلة ان شاء الله”.
تفاصيل مشاجرة حسن شاكوش ورضا البحراوي
وتشاجر مؤدي المهرجان حسن شاكوش مع رضا البحراوي على مسرح الساحل الشمالي، وكشف الناقد الصحفي هاني عزب، عن هذا المشاجرة ونشر مقطع فيديو عبر صفحته الرسمية بموقع التواصل الاجتماعي “فيس بوك”.
وعلق قائلاً: “البداية كانت مع شاكوش اللي لما طلع علي المسرح كانت فرقة رضا موجودة علي المسرح .. شاكوش قرر إنه مش هيكمل فقرته إلا لما فرقة “البحراوي” تنزل من علي المسرح لإن كده كده بيغني “بلاي باك” وبالفعل طلبه اتنفذ وسط استياء من أعضاء الفرقة”.
وتابع قائلاً: “قبل ما حسن شاكوش ينزل ويخلص فقرته قررت فرقة رضا البحراوي تطلع علي المسرح مرة تانية وده خلي فيه غضب كبير عند شاكوش اللي وهو نازل من علي المسرح وجه ليهم إشارات خارجة وبذيئة ومن هنا كان الرد بينه وبين فرقة رضا البحراوي وتبادلوا توجيه السباب وخاصة ان فرقة رضا البحرواي عملت زفة لحسن شاكوش وهو نازل من المسرح”.
وأضاف قائلاً: “حاول هنا #حمو_بيكا التدخل في الموضوع وانهاء الأمر قبل ان تحدث كارثة حقيقة وخناقة شوارع في الساحل الشمالي. وصل رضا البحراوي الحفلة وعرف اللي حصل وأول حاجة عملها وجه التحية لفرقته الموسيقية وبدأ يغني وبعدها وقف الغنا وفضل ينادي علي شاكوش وقال “شاكوش فين.. مشي.. كنت عايزه والله.. نفسي فيه بس للأسف خد بعضه وجري..عايزه يدعي لحمو بيكا”.