جاءت ردود أفعال الجمهور على حكاية “بدون ضمان“، بعد عرض الحلقة السابعة وخاصة بعد مشهد ضرب “علا” التي تجسد شخصيتها هاجر أحمد.
ردود أفعال الجمهور على حكاية “بدون ضمان”
وانتشرت على مواقع التواصل الاجتماعي صور من مشهد ضرب “علا” و ردود أفعال الجمهور على حكاية بدون ضمان اكملها، وكان هناك تعليق يقول: “ده مش مجرد مشهد من مسلسل، ده واقع ٥ مليون و٦٠٠ ألف ست بيعانوا من عُـ ـنف على يد الزوج سنويًا”.
واستكملت تعليقها على حكاية بدون ضمان قائلاً: “ده غير إن فيه ستات بيحصلها عاهات مستديمة ومضعافات في الحمل نتيجة ده، وللأسف مفيش غير ٧٥ ألف ست بس هي اللي بتبلغ الشرطة لأنهم بنات أصول والطبع غلاب حتى اللي بتبلغ منهم بتتنازل عن المحضر زي ما عملت علا”.
وأضافت : “بتحاول تقنع نفسها إنه هيتغير واللي بيقولولها أكيد انتي عصبتيه، بس لا هو بيتغير ولا هي السبب .. وفي الآخر بيوصل الضغط إنه يخليها تتنازل غصب عنها عن كل حقوقها مقابل الطلاق”.
ردود أفعال الجمهور
وتابعت: “أنا آسفة لكل ست اتعرضت أو بتتعرض للنوع ده من الظلم والإهانة .. حقيقي دي أكتر حاجه مؤذية نفسيًا قبل ماتكون مؤذية جسديًا إن اللي عاهد ربنا يحافظ عليكي هو اللي بيموّتك في اليوم ألف مرة .. ماتسكتيش عن حقك، متقوليش هيتغير”.
وأشارت: “ماتسمعيش لأي حد بيلومك، ماتقوليش العيال هيتربوا ازاي من غير أبوهم أو هصرف منين ومين هيساعدني .. ربنا مبينساش حد ولا بيتخلى عن حد والخلاص من شخصية زي دي نجاة للي فاضل من روحك”.
واختتمت تعليقها : “ربنا يبعدنا عن أي حد ممكن تهون عليه عشرتنا وأذيتنا سهلة بالنسباله ويجعل نصيبنا جميل زي قلوبنا الطيبة لأنها مش حِمل ندم واختيارات غلط”.
وهناك الكثير من ردود أفعال الجمهور على الحكاية، ومنها أن الحكاية تروي قضية مهمة من قضايا المجتمع المصري ويوجد الكثير من الفتيات يعيشون ما عاشته “علا” هاجر أحمد وأخرين يعيشون ما عاشته “مريم” هنادي مهنى.