أعرب المطرب الشعبي سعد الصغير، عن سعادته البالغة، وذلك لـ جبره خاطر عامل نظافه، مشيرًا إلى أنه لو والده، أو شقيقه سيتباهى به.
وذكر سعد الصغير في تصريح خاص لـ”أوان مصر”، قائلًا: بقول من خلال موقع اوان مصر أن لو كان أخويا أو أبويا هتباهى بيه قدام العالم كله، وتحية للشعب السوداني، والدليل مش أنا اللي كنت بصور، لأن الواحد بيعمل الحاجات دي من جواه، والحاجه دي لو مش كويسه مكنش حد كلمني.
وأضاف: ربنا أعلم اذا كنت بمثل ولا لا، زي الطفلين اللي أنا قبلتهم في اسكندرية كان بردوا أنا نازل بالصدفه ولقيتهم، أنا عايز أقول إن أنا عانيت زي الناس دي.
وأختتم سعد الصغير قائلًا: أنا هحاول بقدر الإمكان أروح لنادي الشرطة، وهكرم الراجل دا، وهقوله أن شغلتك دي كويسه، واللي يكلمك وحش اعرف أنه مش متربي ومش ابن أصول.
سعد الصغير يروي لـ«أوان مصر» تفاصيل جبره لـ خاطر عامل نظافه ورقصه معه
من جانبه كان قد انتشر عبر مواقع التواصل الاجتماعي خلال الساعات الأخيرة، مقطع فيديو للمطرب الشعبي سعد الصغير، وهو يرقص مع عامل نظافة في فرح شعبي.
وتواصل موقع “أوان مصر” مع سعد الصغير ليروي تفاصيل رقصه مع عامل النظافة، وقال سعد الصغير: الموضوع كله أن أنا كنت في فرح، والراجل الطيب دا كان واقف في اخر القاعة، وعمال كل شويه يقرب يقرب، ونفسه يرقص، فأنا قومت رايح شده، وخليته يرقص.