كشف الفنان كريم سرور آخر تطورات حالته الصحية، بعد تعرضه مؤخرًا لوعكة صحية شديدة كادت أن تجعله ينتحر من شدتها.
وقال كريم سرور في تصريح خاص لـ”أوان مصر”: بقيت أحسن الحمد لله، وبدأت التزم بالعلاج، ورجعت تصوير مسلسل شغل عالي مع شيرين رضا وفيفي عبده، متمنيًا من محبيه الدعاء له.
حالة كريم سرور الصحية
من جانبه كان قد أعلن كريم سرور مؤخرًا أنه يمر بـ أزمة صحية شديدة، حيث كتب عبر حسابه الشخصي بموقع التواصل الاجتماعي فيسبوك: ياااااااااااااااااااااارب، ادعولي يا جماعة أرجوكم أنا حالتي بتسوء أوي.
وواصل: أنا بعتبر ألم القولون العصبي هو أشد أنواع الألم اللي بمر بيهم في حياتي، حرفيا بعتبره تكفير ذنوب، مش لشدته أو لأنه بينتشر في الرقبة والضهر والكتفين والضلوع وبيزيد مع كل نفس وأقل حركة.
وأضاف: لأ مش عشان كدة بس، عشان ملوش مسكن فعال ولحظي وعشان كمان بيستمر بالأيام، أقل نوبة ألم قولونية عصبية بتجيلي بتقعد من 4 لـ 5 أيام، وكدة يبقى وقت قليل جدا، لإنها أحيانا بتستمر حتى أسبوعين، ومرة قعدت حوالي 25 يوم ومع تغيير الطاقم الطبي، ونوع العلاج على مدار 14 سنة.
وأردف كريم سرور: كل ما أقول وصلت لحل نهائي من غير ما أستسلم للعقاقير المهدئة عصبيا، اللي أكيد اتكتبلي عشرات المرات كحل جذري، أتفاجئ في النهاية بنوبة قولونية حادة دون أي أسباب، وصرخ بقى والطم يا كيكو على وشك من الألم لحد ما يبانلك صاحب، والله يا جماعة دون أدنى مبالغة ولا ليكم عليا حلفان، أحيانا بقعد بالساعات بحاول، بس أقوم اخش الحمام من شدة الألم مع كل حركة، دعواتكم بقى عشان الانتحار بقى أهون من الألم الحاد المستمر ده دون معرفة علاج، يارب.