حالة من الجدل أثارها المنتج هاني محروس والمطرب المعتزل خالد الفايد، وذلك بعد اتهام الأخير له بتهديده بعد أن قرر نجم ذا فويس الإعتزال.
أزمة خالد الفايد وهاني محروس
وكشف خالد الفايد خلال تصريحات صحفية تطورات الأزمة بينهم، حيث قال: “هاني محروس أخد اجراءات العقد بينا وماشي في الورق حاليا، وهيكون بينا اجراءات قانوينة”.
وتابع: الدفاع عن النفس واجب وأنا بدافع عن نفسي أنا مش بلبس سلاسل ولا بقا ليا في الكلام ده كله، أنا واحد ساب بيته وساب اهله وساب حياته كلها علشان يقدر يصلي ويقرب من ربه لكن معرفتش اقرب من ربنا في بلدي اللي هي بلد اسلامية.
وأضاف خالد الفايد: وبقت تجيلي تهديدات من هاني محروس وناس من طرفه بتدخل تكلمني يقولولي هاني محروس هيعمل كذا وكذا وكدا وخللي بالك منه وكمان الرساله اللي كان بعتها لاهلي بيقولي القانون بينا، تمام خلي القانون بينا وأنا هسيب ربي بيني وبينك لو مش في الدنيا هيكون في الأخرة ولا يظلم ربك احدا وحسبي الله ونعم الوكيل.
واختتم خالد الفايد حديثه بطلب، حيث قال: ليا طلب عندكم اي حد يشوف البوست يشيره علشان صوتي يوصل وحد يتدخل ينقذني من الشخص ده.
وكان قد نفى هاني محروس كل ما قاله الفايد، موضحًا إلى أنه لا علاقة له بـ خالد الفايد وأنه يسمع تلك التصريحات لأول مرة وأنه لا علاقة له بالفايد منذ الإعتزال