قامت الفنانة رانيا يوسف بتكذيب طليقها المنتج محمد مختار، بعد تصريحاتها الأخيرة في برنامج حبر سري مع الإعلامية أسما إبراهيم، بأنه ملتزم بسداد مصروفات بناته، ويرسل لها الآلاف من الجنيهات كل شهر، وأكدت بأن كل ما يقوله تمثيل وليس حقيقي .
وعلقت رانيا يوسف، على فيديو محمد مختار، عبر حسابها الشخصي على موقع الصور والفيديوهات القصيرة انستجرام، قائلة: الحقيقة أنا مقامي أكبر من أن الواحد يرد على واحد زيك، لطيف أن الواحد يكذب ويصدق نفسه، طول عمرك ممثل فاشل، واللي بعتاك تقول الكلام ده أفشل منك.
وكانت قد سخرت رانيا يوسف من تصريحات طليقها محمد مختار، حيث كتبت تعليقًا جاء فيه: يعني معاك 15 ألف، وممعاكش مستندات بفلوس المدارس اللي بتدفعها؟! الـ 15 ألف دول تصرفهم على القطط اللي بتأكلهم في الشارع.
وجاء ذلك بعد أن قال محمد مختار بأنه يرسل لها 15 ألف جنيه كل شهر مصروفات إطعام بناته، معلقًا: معايا مستندات فيها ختمي وبصمتي وحزين إني طالع أقول كدا.. وهي قالت إني مش بصرف على بناتي، لكن أنا معايا ورق رسمي ومستندات، تثبت أن اللي قالته غلط، وببعت لها شهريًا 15 ألف جنيه أكل وشرب لبناتي، وكمان 800 ألف للتعليم بس.
وتابع محمد مختار: أنا على مدى 5 سنين مردتش على رانيا يوسف ولكن الموضوع زاد، وأنا اديتها كل حاجة أعمل إيه تاني، كل اللي أتطلب مني دفعته، وبحولها الفلوس كل شهر، قبل القضايا وبعدها، وعملنا بند عند المحامي فريد الديب إننا منتكلمش عن حياتنا الشخصية، اللي اتقال عليا كتير وعمري ما فتحت بوقي.