أثارت الإعلامية بسمة وهبة جدلًا واسعًا، وذلك بعد هجومها على الباحث عبدالله رشدي، بسبب انتقاداته لبطل مستر أولمبيا بيج رامي، وتحريمه لما يفعله في لعبة كمال الأجسام.
بسمة وهبة تهاجم عبدالله رشدي
وذكرت بسمة وهبة خلال برنامجها 90 دقيقة، المذاع عبر شاشة المحور قائلة:” نفس الشيخ اللى طلع قلل من إنجاز لاعبات الإسكواش المصرى وتحديد نور الشربينى وبدل مايتكلم عن إنتصارها واسم مصر اللى رفعته قعد يتكلم عن اللبس ، وهو نفسه برضه اللى ساب كل حاجة في موضوع فريدة عثمان وركز مع المايوه”.
وواصلت بسمة وهبة:” هو اللى ساب كل حاجة في الرياضة وانتصاراتها وركز مع اللبس الشرعى.. وهو هو اللى خد طريق عكس كل الناس وكتب يهاجم صلاح بسبب صورة الإعلان .. والحقيقة ده هوس غريب ومش مفهوم .. تحسوا إنه في إصرار من عبد الله رشدى وغيره من أعضاء قافلة العكننة على المصريين إنهم يكملوا دور الإخوان وشيوخ التطرف في استغلال الدين لتحريم كل شيء وتسويد كل شيء كده مرة واحدة بفتاوى مباشرة بتحرم كل حاجة بدون نقاش ولا شرح ولا إدراك للمتغيرات الاجتماعية والزمانية والتاريخية”.
بسمة وهبة تهاجم عبدالله رشدي
وأردفت بسمة وهبة :”الغريب في فتوى عبد الله رشدى بخصوص لعبة كمال الأجسام .. إنه أتكلم بس بعد فوز بيج رامى، يعنى ماهى اللعبة موجودة قدامك بقالها عشرات السنين اشمعنى تطلع الفتوى بتاعتك دى في عز فرحة المصريين بالإنجاز الكبير بتاع بيج رامى وده اللى خلى الناس ترد عليه على السوشيال ميديا”.
وأختتمت بسمة وهبة:” افتكرت الفتوى دي دلوقتي وأشمعنى دلوقتي وليه تعكنن على فرحة المصريين”.