أوضحت الفنانة رحمة حسن كافة التفاصيل المتعلقة بـ أزمتها مع المنتج هاني سامة، مشيرة إلى أنها تحتاج إلى المال كثيرً ا في تلك الفترة لعدم إتاحة فرصة شغل أمامها.
وكتبت رحمة عبر حسابها الرسمي بموقع التواصل الاجتماعي “إنستجرام”: “وللعلم الوقت ده كان بابا تعبان وفي المستشفي وهاني اسامه كان عارف وقلتله اني محتاجه الفلوس ارجوك .. ورفض بعدها يديني اي فلوس من باقي اجري ومكانش بيرد علي رسايل او مكالمات مني .. للاسف بابا اتوفي بعدها بكام يوم ..ومن ساعتها وانا تعبانه ومش ناسيه هو عمل معايا ايه”.
«بعد أزمة الـ 40 ألف جنيه».. رحمة حسن: أنا معنديش شغل ولا معايا فلوس
وأردفت: “وكان صعب عليه اني اطلب تاني من دكتور اشرف انه يتدخل لان هاني مش بيستجيب اصلا ..وانا كنت تعبت من كتر مابطلب حقي وهاني بيتهرب .. بس بين كل فتره والتانيه كنت ببعتله رساله او اكلمه وبرضوا مافيش حاجه .. كل ده بمنتهي الذوق والاحترام والرسايل موجوده معايا من ٢٠١٨ كله علي التليفون .. وطبعا الوقت بيعدي وانا معنديش شغل ماعنديش دخل .. تعبت وبعتله تاني من كام يوم وقلتله .. وبرضوا مافيش حاجه”.
واختتمت رحمة حسن: “وكمان العقد بتاعي معايا ومخصوم منه الضرايب الي دائما بدفعها علي اي عمل بشارك فيه من زمان .. العقد بتاعي علي مسلسل ٦٠ حلقه .. هاني صور وذاع ٦٧ حلقه يعني ليا كمان ٧ حلقات مش موجودين في عقدي وماختش عليهم كمان اجر و ماطلبتش بيهم اصلا بس هو عارف ..الفكره انه طلع ان في كذا شخص في الشغل مش انا بس ، عندهم نفس الموقف مع هاني .. ويمكن بفلوس اكتر بكتير وفي نفس الموضوع والنقابات والقضيه وما الي ذلك”.
View this post on Instagram