أكدت الفنانة بشرى، على أنها سوف تتواجد في الدورة المقبلة من مهرجان الجونة السينمائي ولكن بشكل غير رسمي، معبرة عن استيائها الشديد من اختذال مهرجان الجونة في الفساتين.
وقالت خلال لقاءها مع برنامج ” “MBCTrending”: “هتواجد طبعا في مهرجان الجونة السنة الجاية وهحضر افلام بس هيكون بشكل غير رسمي، وهكون كاجوال جدا، مش عاوزة فساتين ولا ريد كاربت، الموضوع مجهد جدًا، وأنا عندي قناعة شخصية ان مجهودي كان بيضيع في التعليق فقط على الفساتين، ومجهود الفريق كله بيضيع لمجرد اختذال واختصار المهرجان كله في الفساتين”.
سبب استقالة بشرى من مهرجان الجونة
وكانت قد كشفت الفنانة بشرى، سبب اعتذارها عن الدورات المقبلة من مهرجان الجونة السينمائي، خلال حوارها مع برنامج “MBCTrending”.
فقد وجه إليها المذيع سؤالًا عما إذا كانت صور النجوم في مهرجان كان السينمائي ولدت لديها الرغبة في الحضور والتواجد على السجادة الحمراء، لتقاجئه بالرد، قائلة: “لأ خالص، أنا عاوزة إجازة كبيرة من المهرجانات، لأن مهرجان الجونة استهلك طاقتي في الـ 7 سنين اللي فاتوا وعاوزة ارتاح شوية وأخد نفسي، وادخل تحدي جديد، زي ما بتشتري عربية جديدة وبعد 5 سنين تكون عايوزة تروح تتصلح، فأنا بردو ابتديت اشتكي وعاوزة اروح اتصلح”.
ليوجه إليها سؤالًا مرة أخرى عما إذا كان مهرجان الجونة أثر عليها كممثلة، لتعلق: “أه طبعا أثر لأن الوقت كله اللي اديته في المهرجان، السنة الوحيدة اللي اشتغلت فيها وعملت مسلسل في رمضان هي سنة 2020 لأن كان فيه كورونا فكنت قعدة ومسافرتش، فطبعا كان مأثر”.
وأضافت بشرى: “انا مش بتهم المهرجان لأن ده دور مهم بلعبه في مجال مهم طبعًا، لكن بتحسي بعد شوية انك خلاص عطاءك في الحتة ديه مش هيزيد عن كده في الوقت الحالي أو على الأقل تاخدي راحة فترة، تدي فرصة لدماء جديدة، وفرصة للناس اللي اتعلمت انها تتحمل المسئولية لوحدها من غير الاعتماد على ماما”.