علقت الإعلامية بسمة وهبة، على أزمة مطرب المهرجانات حسن شاكوش وزوجته ريم طارق، وحرصت على تبرئة الأخيرة من تصريحات زوجها، حول عدم علمه بزواجها السابق.
وقالت بسمة وهبة، خلال حوارها في برنامج ET بالعربي: في كلام بيدين ريم وأنا هبرأها منه، بيتقال إنها كذبت في إنها كانت متزوجة قبل حسن، لأ ريم مكذبتش، وهي قاعدة معايا في برنامج العرافة، لما هاجمتها وقولتلها إنتي ليه سجدتي شكر لله في الفرح وده كدة شو، قالتلي لأ مش شو أنا كنت سعيدة.
وأضافت: وقالتلي أنا حسيت إن ربنا رزقني بحاجة بيعوضني بيها عن تجربة سابقة عانيت فيها، فطبيعي إن التجربة اللي هي تقصدها دي كانت تجربة زواج.
وتابعت بسمة وهبة: الناس قالت إن حلقة شاكوش وريم طارق فيها خراب بيوت، وأنا فعلا قولتلهم في الحلقة اللي بيقولوا شيخ العرافين ده خراب بيوت، وفي حاجات كمان اتشالت في المونتاج واتخنقت مع شيخ العرافين وقولتله أنت كدة بتخرب البيوت والناس بتهاجمني أنا.
واستكملت: لو أنا السبب في طلاقهم زي ما الناس بتقول كانوا خرجوا من الحلقة واتطلقوا في ساعتها، مكنوش استنوا لبعد رمضان والعيد والفترة دي كلها.
View this post on Instagram
واختتمت بسمة وهبة حديثها، بتوجيه رسالة لـ حسن شاكوش، حيث قالت: عايزة أقول لحسن أكيد أنت كنت عارف إن ريم كانت متجوزة قبلك، هي أصلا كانت رافعة قضية على جوزها السابق فـ أكيد دي حاجة مش هتستخبى عليك، وحسن داير يعني مش ممكن واحدة تضحك عليه وتفهمه إنها آنسة وهي كانت متجوزة.