انتقدت الإعلامية بسمة وهبة، الفنانة شيرين عبدالوهاب بسبب زيارتها للمطرب اللبناني فضل شاكر، قائلة: “إيه يا شيرين، مفيش بجنيه واحد تفكير؟! مخك كان فين؟! بتدمري نفسك ليه؟! رايحة تعملي زيارة هتزعل منك شعب لبنان والشعب العربي وكل محب للبلد ومحارب للإرهاب، وجوزك حسام حبيب مفكرش لحظة يقولك لأ، ده خطر عليكِ وعلى مستقبل، مش انت مدير أعمال شيرين ومسؤول عن تصرفاتها وجدول أعمالها”.
وأضافت وهبة، خلال تقديم حلقتها من برنامج “90 دقيقة”، على قناة “المحور”: “شيرين كانت رايحة لزياد الرحباني، كانت رايحة للقمة، انت ودتها للقاع يا حسام، انت المسؤول، أنت مدير أعمالها ومسؤول عن تصرفاتها، ليه يا شيرين، سابت كل حاجة في الدنيا ورحتي تزوي فضل شاكر في المخيم”.
وتابعت، ان فضل شاكر مدان بأحكام قضائية وإرهابي في نظر القانوني: “معقول تكونوا طبيعيين انتي وحسام، انا زعلانة على شيرين وزعلانة من حسام حبيب، ازاي تسيبها تعمل كده؟! مين بيدمر شيرين، للأسف زيارة شيرين زعلتنا وزعلت اللبنانيين منها، لأن فضل شاكر مبقاش الفنان اللي بنحبه، ويده ملوثة بالدماء”.