اكتشفت موهبتها عن طريق الصدفة، و بسبب كورونا، رغم صغر سنها إلا أنها وصلت لتطور كبير في مجال الخدع السينيمائية .
بطلة القصة هى نور العبادي البالغة من العمر 17 عاما من محافظة الإسماعيلية، التي كشفت لموقع أوان مصر كيف بدأت في اكتشاف موهبتها في فن الخدع السينيمائية .
وقالت نور : ” ايام أجازة كورونا شهر مارس ٢٠٢٠ كنت ف أولى ثانوي، كنت قاعدة ع السوشيال ميديا لقيت فيديو كان اجانب ف قولت أجرب وعملت سيرش على اليوتيوب عن ال special effects makeup جالي فيديو بسيط اني ممكن اعمل اول تجربة ب scar wax ( ده اللى بيكون شكل الجلد ) ده بديله ممكن نعمله بأستخدام دقيق و فازلين، والدم بأستخدام عسل النحل و لون طعام احمر”
وأضافت : ” بعد أول تجربة لقيتها عجبت صحابي و اخواتي و اقترحوا عليا اعمل صفحة على الانستجرام، بقيت بتفرج أكتر على فيديوهات على اليوتيوب و فيديوهات خاصة بالطب على الأنستجرام عشان يساعدني اكتر في تفاصيل شكل الجروح، وبقيت معروفة من الناس المحيطين بيا و لقيت ناس لما ببقي ماشية في الشارع عارفني و بيقولولي انتي نور اللي بتعملي ميكب ف ده اللي حببني في الموضوع أكتر وخلى عندي طاقة اني أكمل، وكمان ناس من برا مصر اجانب بيتابعوني في نفس المجال وعاجبهم شغلي وانا وقتها كنت بعمل بالحاجات الطبيعية المتوفرة في البيت و كانوا مستغربين لأن عندهم الخامات دي متوفرة هناك”
وأختتمت نور قائلة : ” حاليا بقيت بفهم في الميكب السينيمائي بشكل أفضل و أعرف افرق بين الجرح الحقيقي و الميكب
و ال special effects فيه فروع كتير بس انا حبيت الحاجات الدموية أكتر و لقيت نفسي فيها”