تصدرت الفنانة حورية فرغلي خلال الساعات الماضية حديث السوشيال ميديا بعد كشفها عن كواليس ارتباطها بـالفنان الراحل هيثم أحمد زكي، والذي لم يحدث بعد نشوب شجار بينهما.
وقال الفنانة حورية فرغلي خلال لقائها ببرنامج “قعدة ستات”:أنا بحب هيثم أحمد زكي زكي، وكان بالنبسة لي زميل عزيز وأكتر شوية، بس هو ارتبط بيّا عاطفيا أكتر.
وتابعت: أنا أكبر من هيثم بـ 6 سنين وكان هيبقى في حاجة بينا بس اتخانقنا فقالي يا بنت كذا وكذا يا طنط.. قولتله تصدق بالله كل اللي قولته مش فارق معايا بس طنط دي وجعتني.
حورية فرغلي: مبسوطة بنفسي جدًا واللي مش عاجبه حاجة فيا مايبصليش
وكانت كشفت الفنانة حورية فرغلي تفاصيل حالتها الصحية بعد العمليات الجراحية التي أجرتها في الفترة الأخيرة، وكيفية تعاملها مع المتنمرين عبر مواقع التواصل الاجتماعي.
وقالت الفنانة حورية فرغلي في حوارها مع الإعلامية إيمان الحصري على شاشة قناة DMC، إنها أجرت 27 عملية جراحية في 8 أعوام، موضحة: من سنتين كنت عايزة أموت مكنتش عايزة أعيش، لأن كان فيه كورونا، والدكتور اللي ممكن يعالجني كان موجود في أمريكا والسفارات كلها مغلقة، ومكنتش عارفة أسافر للعلاج، ومكنتش عارفة أبص في المرايا ولا أستطعم الأكل ولا أشم أي ريحة، وبالنسبالي مكنش فيه فرق بين العيشة والموت.
وعن تعليقات الجمهور، قالت حورية فرغلي: أنا مبسوطة بنفسي جدا في الوقت الحالي ولا أهتم بتعليقات الناس، واللي مش عاجبه أي حاجة فيا يبص الناحية التانية مايبصليش، أنا مبسوطة بنفسي، خدت ثقة في نفسي خلال المرحلة التي مريت بها، وأخدت ثقة غريبة.
وأردفت حورية فرغلي قائلة: بقيت أحمد ربنا على أي حاجة والحمد لله على شكل أنفي، وأي حاجة ربنا عملها فيا، وفي الفترة الماضية حاولت أتقرب من ربنا وأصلي وأقرأ قرآن، لكن كنت حاسة إن في حاجة مش طبيعية وكنت حاسة إني في منطقة سوداء، حسيت إني جالي اكتئاب.