أعلن مطرب المهرجانات حمو بيكا عن حذف مهرجان مستفزة من على جميع منصات الفيديوهات و الاغاني الشهيرة.
وكتب حمو عبر حسابه على موقع التواصل الاجتماعي فيسبوك: تم حذف مهرجان مستفزة ، وانتظروا الجديد
حمو بيكا يجدد الخلاف مع عمر كمال
واستطرد: “قابلته امبارح في عيد ميلاد حد اخونا، ومعرفة مشتركة بينا، قولتله عاوزين ننزل الأغنية بكرة وانت بس ترفعها عندك وتقول للناس اسمعوا الأغنية الجديد وخلاص، قالي تمام ماشي، وكان فيه ناس شاهدة على الكلام ده، لكن جيت رنيت عليه بعدها فوق الـ 6 أو 7 مرات مردش عليا.. أنا أصلا عملتله بلوك من عندي”.
واتهم حمو بيكا عمر بالتكبر والتعالي بعد الشهرة: “انت لما ربنا عطاك بقيت تتكبر وتشوف نفسك على الناس، هو لسه ربنا معطكش أوي يعني.. انا بقى مش من الناس، أنا كنت أول حد عملتك أغنية والناس عرفتك بيها، يعني ربنا ثم أنا”.
ووجه إليه رسالة، قائلًا: “انجح بنفسك وبطولك ومتخليش حد ينجحك، وريني مهاراتك، لأن كل الناس في المجال عارفة انت ايه”.
واختتم حمو بيكا: “يا خسارة العيش والملح اللي كلتوا معاك، أنتوا مينفعش معاكوا الإنسان الطيب، ومتفكرش لما أنت مش هتشير الأغنية دي أنها هتروح، أنا ممكن أخش امسحها دلوقتي ولا يهمني، وارميها في الزبالة.. مع السلامة يا صحاب مزيفة”.