حلت الفنانة انتصار ضيفة برنامج “سبوت لايت” عبر شاشة قناة صدى البلد، وتحدثت خلال الحلقة عن رأيها في مصطلح السينما النظيفة، بالإضافة إلى رأيها في الكثير من القضايا الفنية.
وقالت انتصار: «مش بفهم مصطلح السينما النظيفة، وترجمة الجملة دي بالنسبالي مش موجودة، وأتمنى أننا منرددهاش كتير، فهي جملة ملهاش ترجمة في القاموس».
وأضافت: “الإعلام استغل كلامي في موضوع السينما النظيفة واتقال بطريقة غلط، احنا بقينا بنناقش القضايا التافهة، بدل القضايا الهامة، وفين المايوه اللي بيتكلموا عليه؟! نفسي أشوف فيلم فيه مايوه، مفيش فيلم صيفي حاليًا زي أفلام السبعينات والستينات والخمسينات”.
وتابعت: “بالنسبة لتصريحاتي مش بيفرق معايا ردود الفعل، فأنا مش بندم على حاجة قولتها إلا لو قولت حاجة غلط”.
وعن قيام المنتجين باختيار النجوم الرجال في الأعمال الفنية أكثر من السيدات، قالنت: “فكرة وجود بطلات سيدات في السينما غير متاحة، لأن المنتجين بيفضلوا النجوم الرجال عن السيدات وده من فترة طويلة”.
واختتمت انتصار كلامها، قائلة: “سهير البابلي كانت بطلة في المسرح وعبلة كامل قدمت عملين ثلاثة، وده بيرجع لعدم ثقتهم في السيدات”، وجاء ذلك في لقاءها مع الإعلامية شيرين سليمان في برنامج.