حل المطرب فارس ضيفًا ببرنامج «كلام الناس»، المذاع على MBC مصر، والذي تقدمه الإعلامية ياسمين عز، وقال أن أغنية يا ناس وعدك اعطاها له تامر علي ووقتها كان المطرب أحمد سعد قريبًا منه وحينها كان يقوم بعمل ألبوم جديد له وفي هذا الوقت عرض عليه أغنية يا ناسي وعدك وقام أحمد سعد بغنائها.
وأضاف: «فارس»: «وقتها أحمد سعد كان لسة جديد وقولت لـ عمرو دياب الولد ده هياخد مننا الجو، ووقتها أحمد سعد كان قريب مني قولتله غنيها وخلاص بقت بتاع أحمد سعد، وكنت أنا في الاستوديو وعمرو دياب سمعها، قالي دي حلوة أوي، وبعد كدة عمرو دياب خدها بس أنا زعلت جدًا لأن أحمد سعد يهمني جدًا، وصوته وقتها كان قد كدة عشر مرات وعشرين مرة».
مؤكدًا: «وقتها زعلت جدًا ومسكتش ولا لـ عمرو دياب ولا الشركة المنتجة، وفي الآخر ولا عمرو دياب نزلها ولا أحمد سعد نزلها، عمرو وقتها نزلها على النت بس مش بشكل رسمي».
فارس ينتقد عمرو مصطفى بسبب الهضبة
انتقد المطرب فارس تصرفات الملحن والمغني عمرو مصطفى، بسبب ما صرح بيه عن الهضبة عمرو دياب، وقال فارس في تصريحات لبرنامج «كلام الناس» المذاع على فضائية MBC مصر وتقدمه الإعلامية ياسمين عز: «مكنش ينفعش يعمل كدا مع فنان كبير.. أنا بحب عمرو مصطفى، بس ما ينفعش يخبط في الناس كده».
مضيفاً: «الهضبة ساعد عمرو مصطفى في بداياته وأنا اتصدمت من هجومه عليه وعيب لما الفنانين يقولوا على بعض كدا».
وأشار أنه كان سببًا في نجاح الملحن عمرو مصطفى، موضحًا: «هو عمرو مينفعش يجيب سيرتي لأني كنت سببًا كبير في نجاحه وأنا ساعدته كتير لأنه كان عايش معايا، وعارف كويس أنا كنت بعمل معاه إيه وكل الناس عارفة أنا مش محتاج أقول وبقوله لم نفسك وكفاية تخبيط في الناس لأني رجعت ولو زعلت هزعل ناس كتير».