هاجمت المخرجة كاملة أبو ذكري، الفنان يوسف الشريف بسبب تصريحاته الأخيرة حول رفض تقديم المشاهد الساخنة في الأعمال الفنية.
ونشرت كاملة عبر حصابها الشخصى على فيسبوك:لما يبقي في مشهد لحبيب بيحاول ينقذ حبيبته، والمخرج يقوله هتمسكها وتشدها علشان تبعدها عن طلقة الرصاص، يقوم النجم الفاضل يرفض إنه يمسكها، علشان هو ما بيلمسش الستات.. هي دي بقي المشاهد الساخنة اللي حضرتك بتتكلم عنها؟؟”.
لما النجم يدعو الناس للصلاة وترك مشاهدة مسلسله أثناء موسم عرضه.. ده اسمه دين جديد ولا إيه؟؟ بالنسبه ليا ده اسمه نوع من أنواع الدعاية المبتذلة واستغلال أطهر شيء في الوجود لأغراض النجومية وزيادة عدد المشاهدات.. عايز ترضي ربنا في شغلك اختار مواضيع تنور عقل المشاهد أو تشرح قلبه”.
واضافت: عايز ترضي ضميرك وتقول في شغلك كلمة حق يمكن تبقي سبب إن ناسك يعيشوا أحسن والمجاهرة بالصلاة واستغلالها ده محرم في دينك”.
وكان يوسف الشريف قد صرح مؤخرا فى برنامج مساءDmc مع الاعلامى رامى رضوان قائلاًفي قيود أنا بحطها لنفسي زيادة عن أي حد تاني ودي حقيقة حتى لو وصلت لدرجة العقود دي حقيقة بقالها 10 سنين أو أكتر ده من بعد فيلم هي فوضى بدأت أفكر بالطريقة دي ودي حرية شخصية طالما مبضرش حد أنا مبستريحش لو بقي فيه مشاهد ساخنة أو فيها قبلات دي قاعدة بطبقها على نفسي بس و بدأت أحط قيود لأن قبل كده في منتجين اتفقت معاهم على ده ووقت التنفيذ غيروا كلامهم”.
وأنا لا أزايد على زملائي أو إني أحسن منهم، بالعكس كلهم ليهم الاحترام ومنهم من يقدمون أعمالا محترمة دون أن يتعمدوا هذه الطريقة.. عشان بس الكلام ميتفهمش إني بزايد عليهم أو بقول إني أحسن منهم.. خالص”.