عبر الفنان حمادة صميدة عن معاناته الشديد من التنمر الذي يقع عليه من بعض الأشخاص بسبب شكله.
كتب صميدة، على حسابه بموقع “الفيس بوك”: “أنا مش كاتب البوست ده عشان الناس تتعاطف معايا أو أصعب عليهم.. أول حاجه بقولها من قلبي ووجعني قوي التنمر بشوف ناس بتتنمر عليا على أن انا اللي خلق شكلي ده.. خلقة ربنا وانا فخور بشكلي ولما اجي اتكلم مع حد بيتجاهلني”.
وأضاف: “أقسم بالله أنا انسان وبشر وبحس وتعبان نفسيا من اللي بشوفه أنا عارف إني مش قمر ولا وسيم ولا شكلي بس بلاش تكسرني وتوجعني، مش عارف لحد امته هعامل الناس بطيبه ونيه صافيه وافتكر ان اي حد يتعامل معايا كويس يبقي صاحبي او صاحبتيً بجد نفسيً افوق وبتفأجيً بجد بناس معرفهاش طريقه تتغير وناسً مصلحنجيه وناس بتتنمر وكله بيحبً نفسه وبس”.
وتابع: “نفسي أتغير واتعامل زيهم لكن للأسف تربيتيً عودتني إن مردشً لحد اللى بيعملو انا نفسيً الناس تراعي حاجة اسمها عيش وملح وتبطل نفاق وتبطل قلة ذوق أناً مش عايز حد معايا غير الناس اللى بحبهم وبيحبوني وبس صحابي اللى بجد اللى عمرهم رغم عدم اهتمامي ف اوقات كتير لكنهم بيراعوني وواقفين جمبي اما الباقي انتو اغراب فتره وبتنتهيً تماما او مصلحه وبتخلص ايا كان خليكو ف نفسكو بقي ياريت”.