وجه الشيخ عبدالله رشدي رسالة لـ منتقدي الفنانة حلا شيحة بسبب ما تفعله، واعتزالها الفن، ومهاجمتها لـ تامر حسني بسبب فيلم “مش أنا”.
وجاء ذلك من خلال بث مباشر عبر صفحة “أوان مصر” الرسمية بموقع التواصل الاجتماعي فيس بوك.
الشيخ عبدالله رشدي يوجه رسالة لمنتقدي الفنانة حلا شيحة
وأوضح الشيخ عبدالله رشدي أن التمثيل مش حرام قائلاً: “الصورة النمطيها للدين هم يريدون تشويهها فأنتِ هترجعي تاني تحطي في دماغ الشباب والبنات والمحجبات، ان في حلال وفي حرام وأن لما ادخل السينما ابقى ناقد امين واكره ده ومكرهش ده انا مقولتش ان السينما حرام، ولكن أقول ان التجاوزات التي تحدث في الأفلام التي حرمها الشرع والدين هي اللي حرام، لكن الفن والتمثيل مش حرام”.
وعلقت الفنانة حلا شيحة على ما فعله الفنان تامر حسني ووجهت له رسالة بكلمات قاسية، وذلك عبر صفحتها الرسمية بموقع تبادل الصور والفيديوهات “إنستجرام”.
وكان بينها وبين تامر حسني اتفاق على عدم نشر الفيديو الكليب، ولكن تامر حسني نشره، وظهرت حلا في هذة المشاهد، وعلقت قائلة: “انا اتفاجئت جدا ًبنزول كليب يجمع فيه مشاهد متفرقة من الفيلم و في ايام ذي الحجة ايام مباركة و خصوصاً بعد اخر بوست نزلته و وضحت فيه انا ايه”.
وتابعت قائلة: “و اتفاجئت اكتر خصوصا ًبعد وعد تامر حسني ليا وتأكيده انه حيحترم رغبتي و بعض الطلبات اللي طلبتها منه بكل احترام وود الصيف اللي فات و اكدلي انه حيحترم رغبتي .. احنا يمكن نجحنا بمقايس الدنيا بس صدقوني بمقايس ربنا احنا لم و لن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح”.
حلا شيحة تهاجم تامر حسني
واستكملت قائلة: “بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى .. انا مش حتكسف من حد انا تبت من المشاهد دي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا”.
وأضافت قائلة: “الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن احنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب انا دايما خايف من كده.. كلام أكيد قولته في لحظة صدق جواك و جوانا كلنا”.
وفي نهاية حديثها تستعين بآية قرأنية قائلاً: “شوفه تاني يمكن يفكرك ان جواك اكيد في صراع و انا و كلنا كلنا بنغلط بس المهم في الاخر نتدارك الغلط و نصلح .{إِلَّا مَن تَابَ وَءَامَنَ وَعَمِلَ عَمَلࣰا صَـٰلِحࣰا فَأُو۟لَـٰۤىِٕكَ یُبَدِّلُ ٱللَّهُ سَیِّـَٔاتِهِمۡ حَسَنَـٰتࣲۗ وَكَانَ ٱللَّهُ غَفُورࣰا رَّحِیمࣰا}.. الله على كلام الله وجماله يا سلام لو أصواتنا ومواهبنا كلها نستعملها في الخير عشان”.