كشف الفنان والبطل الرياضي الشحات مبروك، سر شكل عضلة البيج رامي المبالغ بها، مؤكدًا على أنه يستعين بالمنشطات.
وقال “مبروك” خلال حواره مع الإعلامية ياسمين عز ببرنامجها “كلام الناس”: “مستر أولمبيا مش خاضعة لرقابة المنشطات، رامي او حد غيره مش هيقدر انه مياخدش منشطات، عشان هي منافسة شرسة ومبتخضعش للتحليل، فعيهمل ايه، دي حياته ورياضته وكفاحه”.
واستطرد: “المحترفين بياخدوا هرومانات، مفيش حد في العالم كله قبل ما بيدخل الجيم مبيقولش للمدرب انا عاوز حقن الاول، الكل بيعمل كده”.
وتابع: “لكن هل كل اللي خد منشطات بيعمل عضلات، لأ اللي مبيعملش عضلات من غير منشطات مش هيعمل عضلات بالمنشطات”.
وأردف: “بيج رامي عنده موهبة عالية أوي والمنشطات ممكن تلعب دورها معاه كمساعدة في المنافسة الشرسة اللي هو فيها، انا اقدر احدد اذا كان واخد منشطات ولا لأ من شكل العضلة”.
الشحات مبروك: ندمان على أفلامي.. وفيه منتجين خلوا شكلي عبيط قدام الناس
وقال “مبروك” خلال حواره مع الإعلامية ياسمين عز ببرنامج “كلام الناس”: “أنا ليا تقريبا 21 فيلم الحلو فيهم 3 أو 4 بالكتير، أولهم المرشد وبعدين لهيب الانتقام والشجعان وأمريكا شيكا بيكا”.
وأضاف: “اتخدت في سكة انا ماليش فيها ذنب، انا حد رياضي بطل كمال اجسام، دخلت السينما من اوسع ابوابها بفيلم المرشد وكنت طالع باسمي الحقيقي”.
وأردف: “اضحك عليا من نفسي، وروحت لافلام مش راضي عنها وقليلة التكلفة جدا، وصناع الفيلم اقل في الجودة، فكنت بطلع شكلي عبيط، وانا فرحان اني بمثل”.
واستطرد: “لو كنت فاهم وقتها كنت هبطل تمثيل احسن، انا اللي استغليت نفسي وضريتها، زي المستريح بالظبط، محدش يجي يقول انه نصب عليا، لأ انت اللي نصبت على نفسك لانه وعدك بحاجة خيالية مش موجودة”.
واختتم: “انا كمان عارف واشتغلت في افلام كنت بروح اصور كل المشاهد في اسبوع أو 8 أيام، كنت ممكن امثل افلام ومتتعرضش بس امثل.