فتح الشاعر محمد عاطف النيران على رجل الأعمال المصري الملياردير نجيب ساويرس، بعد تصريحاته السابقة بعد استقالة هاني شاكر من منصبه كـ نقيب الموسيقيين، بعد أزمة مؤدي المهرجانات حسن شاكوش وسعيد الأرتيست.
وجاء ذلك خلال مقطع فيديو بث مباشر عبر نشره الشاعر الغنائي محمد عاطف، صفحته الشخصية بموقع التواصل الاجتماعي «فيسبوك»، قائلاً: «نجيب ساويرس رجل أعمال ناجح فاتح بيوت ناس كتير، لكن مقدرش كفنان أتدخل في أي حاجة خاصة بشغل المقاولات لأني مبفهمش فيها، مقدرش أجيب مثلا بياعين ترمس وتين وأدخلهم مهرجان الجونة، وأقولك معلش أصلهم بياكلوا عيش.. في مباديء وقوانين وكان غلط إنك تقول أكسر قُلة ورا هاني شاكر.. عيب».
مضاف: «يمكن أنا طلعت في جيل كان فيه عمرو دياب وشيرين ومحمد فؤاد، وخالد عجاج وسميرة سعيد ومحمد محي وكان فيه فن وفيه انتاج، دلوقتي أنا ولادي هيشوفه مين عادل شكل وشاكوش».
كما وجه الشاعر الغنائي محمد عاطف رسالة لـ هاني شاكر قائلًا: «إديت مجال لـ حمو بيكا وقلت والدته كلمتني، وحضرتك حطيب رأسك بـ رأس عادل شكل وأنت في حتة تانية خالص غيره، ومكنش الأصول إن الناس دي تعتب عتبة النقابة، أنا متضامن جدًا مع سعيد الأرتيست، أنا شفتك بتقوله أسحب من شاكوش الكارنية عشان خاطر حضرتك.. أيوة كنت تسحبه».
وتابع محمد عاطف: أنا ضد عودة هاني شاكر، النقابة حصل فيها حاجات مش المفروض تتم، وطول عمري بسمع إن النقابة بتعمل اختبارات للمتقدمين، يعني أصالة بتغني وروبي بتغني بس أهم حاجة يكون في قبول وصوت، ومش بالأسماء ولا ببيكا ولا عنبة، بالأخلاق والفن والرسالة.