وسط المهرجانات/ كثرت الأزمات والخناقات بين الفنانين والمنتجين ومؤدين المهرجانات، واشتعل وسط المهرجانات بسبب حمو بيكا، وعمر كمال، ونرصد لكم خلال هذا التقرير التفاصيل الكاملة للخناقات الاخيرة التي حدثت في عالم الفن خلال الساعات القليلة الماضية.
اشتعال وسط المهرجانات بسبب بيكا وشلته ونصر محروس
تشاجر الفنان دياب مع المنتج نصر محروس، وكشف هاني محروس تفاصيل المشاجرة بالامس من خلال مداخلة هاتفية مع عمرو أديب، ببرنامج الحكاية المذاع عبر قناة دي ام سي مصر، قائلاً: “عيب لما نحلف كدب ونقسم بالله كذب، الراجل معملش اللي أنت بتتكلم فيه طبعًا، قال إنه وقفه عن التمثيل أو الغناء، كل عقود المحترفين لازم تكمل بطريقة معينة، يعني مينفعش لاعب في نادي يمشي ويسيبه من غير ما يكمل عقوده”.
تفاصيل مشاجرة نصر محروس ودياب
وتابع قائلاً: “نصر محروس عمل لدياب 27 أغنية فيهم 9 متصورين في 14 سنة، وعمل ألبومين و5 سناجل، وكان في فترة لسه بياخد على الجو والأفراح وهكذا، وعشان نصنع لدياب قاعدة جماهيرية، وكان نصر محروس عامل لدياب مرتب شهري زيي أنا وأخواتي”.
وأضاف : “نصر محروس فكر في وقت من الأوقات يدخل السينما وأهل دياب أنه يمثل، إحنا مش عايزين حد يقعد غصب عنه كل الحاجات دي ظهرت لما هو اشتغل وتوقف عن دفع النسبة الخاصة بالشركة، ومن المفترض يكمل نص الشغل اللي متفقين عليه يبقوا اتنين أو تلاتة.. نصر محروس ساب دياب مرة واتنين وتلاتة عشان يصلب طوله في بدايته، إحنا مبنحلبش الناس، ومدفعش جنيه للشركة من 6 سنوات، إحنا مبناكلش حق حد”.
مشاجرة حمو بيكا وعمر كمال
هاجم مؤدي المهرجانات حمو بيكا عمر كمال، ووجه إليه رسالة نارية، وجاء ذلك عبر صفحته الرسمية بموقع التواصل الاجتماعي “فيس بوك”.
ونشر “بيكا” مقطع فيديو، قاله فيه: ”أنت بتقول إنك بتجيب مشاهدات 70 أو 80 مليون مشاهدة.. نسيت لما كنت بتعمل أغنية مش بتجيب 10 آلاف مشاهدة أصلًا.. أنت طالع تقول عليّا إني مش بعرف أغني!!”.
وأضاف قائلً: “خلاص سيبت لك الغناء.. نفسي الناس تشوفك وأنت واقف قدام المايك بتسجل أغنية، توبة إني أغني مع شخصية زيك.. ولا أعمل معاك حاجة تاني.. طالما بتقول عليا مبعرفش أغني.. أومال أنت جيت لي ليه في الأول خالص.. واستقبلتك وضايفتك وأول تراك عملته معاك نجح.. وكنت كل ما تقعد معايا تقولي أنت يافطة المهرجان.. أنت كنت بتشتغلني مثلًا!!.. طالع دلوقتي قدام الناس تقول حمو مش بيعرف يغني!!”.