اتهم العديد من مواقع التواصل الاجتماعي، الفنان محمد رمضان، وذلك بعد مذبحة الإسماعيلية التي هزت الأجواء المصرية أمس.
الجمهور يتهم محمد رمضان بعد مذبحة الإسماعيلية
وذكر البعض من رواد السوشيال ميديا أن محمد رمضان، يعتبر هو السبب في البلطجة التي تقع، وذلك لأن أعماله الفنية يقلدها الشاب في الشوارع المصرية، وجاءت بعض الآراء بأن ما حدث في مذبحة الإسماعيلية تشبه ما حدث في مسلسل الأسطورة لمحمد رمضان.
ريهام حجاج تعلق على مذبحة الإسماعيلية: التكنولوجيا موتت مشاعرنا
من جانبه علقت الفنانة المصرية ريهام حجاج، على واقعة قتل شاب بطريقة بشعة بالإسماعيلية، أمس الاثنين، وذلك خلال حسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.
وذكرت ريهام حجاج عبر خاصية الاستوري قائلة:” جريمة الإسماعيلية مش حتكلم كتير علي الفعل الوحشي اللي حصل من حد شوفنا زيه متطرفين ومجانين كتير، أنا اللى مستوقفني بالفعل هو الزمان والمكان، إن ده يحصل في ميدان عام وفي عز الضهر !!!! وقصاد كل الناس دى اللى كانت بتتفرج، والمفزع هو ردود أفعال الناس”.
وواصلت:” رغم أن المصريين معروفين بالشهامة والجدعنة والتدين، طيب لو قلنا أن ما حدش اتحرك عشان اتفزعوا أو خافوا من المجرم طيب اللي ماسك التليفون بيصور الجريمة وهى بتحصل هو فى إيه ولا فى إيه ؟”.
وأردفت:” جاب منين القدرة علي مسك الموبايل وتصوير المشهد وهو بيحصل …ازاااااي الفكرة أصلا خطرت على باله إزاي بصراحة، ومذبحة الإسماعيلية هى انعكاس للى وصلناله فى هوس السوشيال ميديا اللى تخلى واحد يهمه أنه يصور اللى بيحصل أكتر ما يهمه إنقاذ الضحية!!.
وأختتمت ريهام حجاج قائلة:” للأسف التكنولوچيا على قد ما ادتنا حاجات على قد ما موتت مشاعرنا وانسانيتنا، و لسة بيقولك ميتاڤايرال، إحنا استكفينا تكنولوچيا احنا محتاجين إنسانية وشهامة ومبادئ وطيبة ورحمة وأخلاق و ضمير”.