تعرضت الاعلامية أسماء مصطفى في الايام الماضية لوعكة صحية شديدة بعد خضوعها لعدة عملية جراحية بسبب إصابتها بمرض السرطان .
و كشف أحد أصدقائها المقربين عبر حسابه على موقع التواصل الاجتماعي فيسبوك أن أسماء لا زالت في مرحلة الخطر .
وكتب عبر حسابه بموقع فيسبوك : «من وقت تعب أسماء مصطفى وكل شهر بسيناريو وكل عملية بتتقدم خطوات وبتفوق من البنج تلاقي حواجز جديدة».
وأضاف: «آخر عملية أول امبارح، ربنا لطف بيها والدكتور اكتشف حاجة صعبة جدا مكنتش باينة في المسح الذري حرفيا حياتها كانت في خطر، الحمد لله عدت على خير، لكن للأسف لسة جزء من الورم الخبيث جدا موجود».
وتابع: «أسماء بتطلب منكم أن تدعو لها، لأن لطف ربنا ودعوات الصالحين هي سلاحها الوحيد للمقاومة، ادعوا لأسماء مصطفى في محنتها هي فعلا تستاهل كل خير».
الاعلامية أسماء مصطفى.. تعرف على تطورات حالتها الصحية
وقالت الاعلامية أسماء مصطفى ” مفيش انسان في أزمة مهما كانت قوته يقدر يعديها لوحده، ووسط اللي انا فيه دلوقتي ممتنة جدا لجوزي الى مفيش كلام يوفيه حقه مهما قولت او كتبت وأمي الغالية ربنا يصبرها على ابتلاءها واخواتي وولادي وصحابي القريبين على كل اللي بيعملوه عشاني، وساعات كتير ضميري بيأنبني اني قلبت لهم حياتهم رأسا على عقب، ياريت كان بايدي أمر بالازمة من غير ما يحسوا بس دي ارادة ربنا اللي أكيد عارف الخير فين وشايل لي دايما الأحسن
المقدمة دي ينفع أكتبها كل يوم بس مناسبتها انهاردة ان في زملاء كتير يستحقوا الشكر، زمايلي في اكسترا نيوز اللي كل شوية يبعتوا يقولوا لي مستنيك ومكانك محفوظ فريق هذا الصباح الغاليين وزمايلي المذيعات اللي شايلين أيامي لحد ما أرجع
شكرا لادارة المتحدة اللي متابعاني لاكتر من 8 شهور من ساعة ما تعبت، والادارة المحترمة لقناة اكسترا على الاهتمام الكبير الى كل واحد فيهم محتاج بوست شكر لوحده خصوصا مع ظرف مرضى محدش لسه عارف نهايته ربنا كريم.
وقالت: شكرا للشخص اللي مبيتاخرش عن دعم أي زميل وبيسأل ويتابع حتى لو مظهرش في الصورة، وان شاء الله ربنا يقدرني وأرجع قريب وتنتهى سنواتى العجاف على خير املى فى ربنا كبير .. دعواتكم