هاجمت الإعلامية هبة جلال مقدمة برنامج (90 دقيقة)، على شاشة المحور، سلسة مطاعم هارديز، وذلك بسبب سوء الخدمة والتأخير، متهمة إياهم بالفشل وقلة الذوق، حيثُ طلبت “أوردر” من المطعم وتأخر لليوم التالي وعندما طلبت الأموال منهم لم يتم تسديدها.
ونشرت الإعلامية هبة جلال عبر صفحتها الشخصية على موقع التواصل الإجتماعي “فيس بوك”: «مريت بتجربة سيئة جدا مع هارديز، امبارح طلبنا اوردر من عندهم ، الاوردر جه غلط خالص واتصلنا بيهم اكتر من ٣ مرات عشان يبعتوا الاوردر صح ، كل شوية يقولولي الفرع هيكلمك ومفيش حد يتصل».
وأضافت: «ومر اليوم من غير اي متابعة وسيبنا الاكل زي ما هو وطلبنا من محل تاني ، النهاردة كلمتهم الصبح وانا مش مصدقة ان مفيش اي رد ولا اهتمام وسايبيننا نتفلق وقلتلهم حد يجي ياخذ الاوردر ويرجع الفلوس ، يقولولي مش هينفع عشان ده كان امبارح !!! طبعا قلتله دي مش مشكلتي ولو سمحت تعالى خذ الاوردر قالي اوكي ومفيش اي حد جه ولا اتصل ، فعلا ناس فاشلة وقليلة الذوق . اخر مرة اطلب اوردر منهم».